அருள்மிகு மாரியம்மன் திருக்கோயில், புன்னைநல்லூர், தஞ்சாவூர் - 613501

🙏 Available Pooja Services

🪔 நன்கொடை சீட்டு ரூ. 100 – ₹100
🪔 சுற்றுலா பேருந்துகள் நிறுத்துமிடக் கட்டணம் – ₹50
🪔 வெளி தொட்டி – ₹50

View All Poojas

☀️ Best Time for Pilgrimage

Nov to Feb Cooler (22°C - 30°C)

Ideal for NRI travelers used to AC environments.

Major Festival Annual Brahmotsavam

Plan 6 months ahead for flight bookings from SG/MY/UAE.

கோயில் பற்றி

தமிழக கோயில்கள் என்பவை வழிபாட்டுத் தலங்கள் என்று மட்டும் கருத முடியாதவாறு அவை ஒரு நாட்டு மக்களின் பண்பாட்டை, கலையுணர்வை, சமூக ஒருங்கிணைப்பைப் பிரதிபலிக்கின்ற கேந்திரங்களாகவே விளங்குகின்றன. திருக்கோயில்களில் தான் கலைவளர் பணிக்கூடங்கள் செயல்பட்டன. ஆகமம், சிற்பம், ஓவியம், இசை, நாட்டியம், நாடகம், உலோகம் சார்ந்த நுண் கலைகள் மர வேலைப்பாடுகள் அங்கங்கள் அனைத்தும் திருக்கோயில்களைச் சார்ந்தே வளர்ந்தன. தமிழகத்தில் உள்ள ஊர்கள் தோறும் தாய் தெய்வமான மாரி அம்மைக்கு ஆலயங்கள் விளங்குவதைக் காண்கிறோம். சோழ மண்டலத்தின் தலைமைப் பீடமான தஞ்சாவூரில் மகாமாரி சக்தி பீடமாக விளங்குவது புன்னைநல்லூர் அருள்மிகு மாரியம்மன் திருக்கோயிலாகும். தஞ்சை மாரியம்மன் கோயில், கருவறை, அர்த்த மண்டபம். மகா மண்டபம், சுற்றுச்சுவர். முகப்பு மண்டபம் ஆகிய அமைப்புகளுடன் கூடிய பெருமண்டபக் கோயில் வகையைச் சார்ந்ததாகும். இவ்வாலயத்தின் தேர் மண்டபத்தின் அருகில் திருக்கோயிலின் கிழக்கு நுழைவாயில் அமைந்துள்ளது. இதன் மீது சிறிய கோபுரம் அமைக்கப்பட்டுள்ளது. நுழைவாயிலை அடுத்து முன்... மண்டபம் உள்ளது. இம்மண்டபத்தின் உள்ளே வரவும் வெளியேறவும், தெற்கில், வடக்கிலும் பாதைகள் உள்ளன. மண்டபத்தை அடுத்து இருபுறமும் திண்ணை போன்ற அமைப்புடன். கூடிய மண்டபத்தைக் காணலாம். முன்பு இம்மண்டபத்தின் சுவர்களில் மராட்டிய மன்னர்களின் ஓவியங்கள் வரையப்பட்டிருந்தது. அதைக் கடந்து மேலே சென்றால் இடது புறத்தில் கோயில் அலுவலகம் உள்ளது. நர்த்தன மண்டபத்தின் இடது புறத்தில் விநாயகர் சன்னதியும் அதன் அருகில் காளியம்மனும், பூரணபுஷ்கலா சமேத ஐயனாரும். நாகரும் உள்ளனர். அம்மன் சன்னதிக்குச் செல்லும் முன் இந்த விநாயகரை வணங்கிய மெய்யன்பர்கள் உள்ளே நுழைகின்றனர் இவ்விநாயகருக்கு அருகம்புல் மாலைச் சாற்றி, சிதறு தேங்காய் விட்டால் திருமணமாகாதவர்களுக்கு விரைவில் திருமணம் கைகூடும். கார்த்திகை மாதத்தில் விரதம் அனுஷ்டித்த ஐயப்ப பக்தர்கள். இவ்விநாயகர் சன்னதியில் இருமுடி கட்டி சபரிமலைக்குப் புறப்பட்டுச் செல்லும் வழக்கத்தைக் கொண்டுள்ளனர். நர்த்தன மண்டபத்தின் வலப்புறம் சுப்பிரமணியர் சன்னதியைக் காணலாம். இதனை அடுத்து வடக்கில் வெல்லக்குளம் உள்ளது. பக்தர்கள் அம்மனை வழிபட்டுத் திரும்பும் போது அவர்கள் அர்ச்சனைத் தட்டில் வைத்துச் சமர்ப்பித்த வெல்லத்தை இக்குளத்தில் இடுவர். தங்கள் உடலில் ஏற்பட்ட கட்டிகள், பரு மற்றும் பிணிகள், வெல்லம் நீரில் கரைவது போன்று விலகி மறைந்து விடும் என்ற நம்பிக்கையுடன் வெல்லத்தைக் குளத்தில் இடும் வழக்கத்தைக் கொண்டுள்ளனர். நர்த்தன மண்டபத்திலிருந்து வாத்திய மண்டபத்திற்குச் செல்லும் நுழைவாயில் மீது ஐந்து நிலைகள் கொண்ட கோபுரம் உள்ளது. தாமிரத் தகட்டால் மூடப்பட்ட கொடிமரத்தையும் பலிபீடத்தையும் வாத்திய மண்டபத்தில் காணலாம். வாத்திய மண்டபத்திலிருந்து உற்சவமூர்த்தி மண்டபத்திற்குச் செல்லும் நுழைவாயிலின் இடது பக்க மேல்புறத்தில் மணி மண்டபம் உள்ளது. உற்சவ மூர்த்தி மண்டபத்தின் நுழை வாயிலில் (ஜெயா, விஜயா) துவார சக்திகளின் சிலைகள் இருபுறமும் உள்ளன. இம் மண்டபத்தின் சுற்றுச் சுவரில் நவதுர்க்கைகளின் உருவங்கள் வண்ண ஓவியமாகத் தீட்டப்பட்டு அழகுடன் காட்சியளிக்கிறது. பிரதி ஞாயிற்றுக் கிழமைகளிலும் மற்றும் விசேட நாட்களிலும் உற்சவ அம்மனை இம்மண்டபத்தில் எழுந்தருளச் செய்து வழிபடுவது வழக்கமாக உள்ளது, மகா மண்டபத்தில் நவதுர்க்கைகளில் ஒன்றான விஷ்ணு துர்க்கையம்மன் வடக்கு நோக்கிய வண்ணம். நான்கு திருக்கரங்களுடன் சாதாரண பீடத்தில் நின்றநிலையில் காட்சியளிக்கின்றாள். கருவறையில் உள்ள அம்மன் புற்று மண்ணாலாகிய உருவமாகும். அம்மன் சக்தி பீடத்தில் அரியணையில் கிழக்கு நோக்கி அமர்ந்த நிலையில் காணிட்சியளிக்கிறாள். வலது கரம் ஒன்றில் வாளும் மற்றொரு கரத்தில் உடுக்கையும் ஒருதலை நாகமும், இடது கரம் ஒன்றில் கபாலமும், மற்றொரு கரத்தில் பாசக்கயிறும் கொண்டு விளங்குகிறாள். திருச்சுற்றுக்கள்: இந்திருக்கோயிலில் மூன்று திருச்சுற்றுக்கள் (பிரகாரங்கள்) உள்ளன. கருவறையைச் சுற்றியுள்ள பகுதி முதல் திருச்சுற்றாகும். கருவறையின் நேர் பின்புறத்தில் பைரவ உபாசகரான பாடகச்சேரி தவத்திரு இராமலிங்க சுவாமிகளின் திரு உருவம் சுதை வேலைப்பாட்டுடன் இடம் பெற்றுள்ளது. இவர் தனது தவ சித்தியினால் மக்களின் தீராத நோய்களைத் திருநீறு அளித்து போக்கியதாகச் சொல்லப்படுகிறது. இத்திருக்கோயிலின் திருப்பணிகளுக்குப் பெரும் பங்கேற்றவர் இவர். இரண்டாம் திருச்சுற்றில் திருமடப்பள்ளியும், முத்துப்பல்லக்குப் பவளவிழா மண்டபமும் உள்ளன. இம்மண்டபத்தில் வெள்ளிக்கிழமைதோறும் மாலையில் மகளிரால் கூட்டு வழிபாடு சிறப்பாக நடத்தப்படுகிறது. இச்சுற்றின் தொடக்கத்தில் பேச்சியம்மன் சன்னதி உள்ளது. காத்தவராயன். லாடசன்யாசி, மதுரைவீரன், பேச்சியம்மன் ஆகியோர்களின் மூர்த்தங்கள் இங்கு இடம் பெற்றுள்ளன. சுற்றிலும் திருமால்பத்தியும், இதனையடுத்து அலங்கார மண்டபமும் அமைந்துள்ளன திருவிழாக் காலங்களிலும், விசேட நாட்களிலும் அம்மனை அலங்கரித்து இம்மண்டபத்தில் வைத்து வழிபடுவது வழக்கம். அருகில் வாகன மண்டபமும் இராஜஸ்ரீ ராஜாராம் ராஜா சாகேப் திருமண மண்டபமும் அமைந்துள்ளன. இங்கு மக்கள் தங்கள் திருமணத்தை நடத்துகின்றனர். மூன்றாம் சுற்றில் பாவைவிளக்கு அம்மன் கிழக்கு நோக்கியவாறு அமைந்துள்ளது. இந்த அம்மனுக்கு மாவிளக்குப் படையலிட்டு மக்கள் வழிபடுகின்றனர். தென்மேற்குத் திசையில் பாம்புப் புற்று உள்ளது. செவ்வாய், வெள்ளி, ஞாயிறு ஆகிய தினங்களில் மக்கள் பாம்புப்புற்றுக்குப் பால், முட்டை வைத்து வழிபடுகின்றனர். அருகில் தலவிருட்சமான வேம்பும் புன்னை மரமும் உள்ளன. தென்புறத்தில் ராப்தா கட்டடம் அமைந்துள்ளது. அதன் நேர் எதிர்புறம் உணவுச் சாலையும் இரண்டு நிலைகளுடன் கூடிய வடக்கு வாயில் கோபுரமும் உள்ளன. இத்திருக்கோயிலின் முன்புற நுழைவு வாயிலின் அருகில் தேரும், தேர் மண்டபமும், கோயிலின் வடபுறம் அம்மை மண்டபமும் தென்புறம் கோயில் தீர்த்தக் குளமும் உள்ளன இத்திருக்கோயிலின் தல விருட்சமான வேம்பு, புன்னை மரமும் குளத்தின் அருகில் உள்ளது.

தல வரலாறு

நாயக்கர்களுக்குப் பிறகு, தஞ்சை மராட்டிய அரசர்களின் ஆளுகைக்கு உட்பட்டது. ஏகோஜி மன்னரால் தோற்றம் பெற்றது. முதலாம் சரபோஜி மகாராஜா தன் சிறுவயது பெண்ணுக்குக் கண்ணில் இரத்தம் வடிவதைக் கண்டவுடன் சமயபுரம் மாரியம்மனுக்கு வேண்டுதல் செய்தனர். அன்று இரவு மன்னர் தம் கனவில் தோன்றிய சமயபுரத்தாள் தான் தஞ்சைக்கு அருகில் புன்னை வனக்காட்டில் இருப்பதாகக் கூறினாள். மறுநாள் அரசர் புன்னை வனக்காடு சென்று தேடிப்பார்த்தபோது அங்கு ஒரு புற்று இருப்பதைக் கண்டார். ஸ்ரீ சதாசிவ பிரம்மேந்திரரின் அனுக்கிரஹத்தால் அப்புற்றே மஹாமாரியின் திருவடிவம் என்பதை உணர்ந்திட்ட பின்னர் அவதூதரான ஸ்ரீ சதாசிவ பிரமேந்திரரின் கரத்தாலேயே யந்திர பிரதிஷ்டை செய்தும் அப்புற்று மண்ணாலேயே அம்பிகையின் திருவுருவமும் உருவாக்கப்பெற்றது.
...
முதலாம் சரபோஜி, துக்கோஜி என்னும் துளஜா ஆகிய சகோதரர்கள் தஞ்சையை ஆட்சி செய்த காலத்தில் (கி.பி.1712-1733) தங்களால் கற்றளியாக எடுக்கப்பெற்ற இவ்வாலயத்திற்கு அளப்பரிய கொடைகள் நல்கினர். கி.பி.1739-1763 வரை தஞ்சை மராட்டிய அரசராகத் திகழ்ந்த பிரதாபசிம்மன், அருள்மொழிப்பேட்டை எனும்... கிராமத்தில் 253 ஏக்கர் 48 சென்ட் (33 வேலி 7 மா) இக்கோயிலுக்கு மானியமாக வழங்கினார்.
இரண்டாம் சரபோஜி தன் ஆட்சிக் காலத்தில் (கி.பி.1798- 1832) இத்திருக்கோயிலின் மகாமண்டபம், நர்த்தன மண்டபம், முன் கோபுரம், பெரிய திருச்சுற்று முதலியவற்றைக் கட்டுவிதது மகாகும்பாபிஷேகத்தையும் சிறப்புற நடத்திவைத்தார்.
இரண்டாம் சரபோஜி மன்னரின் மறைவிற்குப் பிறகு அவர் மகன் சிவாஜி ராஜா இத்திருக்கோயிலின் முன் மண்டபம், மூன்றாம் திருச்சுற்று ஆகியவற்றைக் கட்டுவித்தார். இவருடைய பட்டத்து ராணியாக விளங்கிய காமாட்சிபாய் சாகேப் கி.பி.1892 இல் வெளிமண்டபத்தையும், உணவுச்சாலையையும் கட்டுவித்தார். சரபோஜி ராஜாசாகேப் சத்ரபதி மூத்த இளவரசர் பொறுப்பு வகித்த காலத்தில் பக்தர்கள் இளைப்பாறுவதற்காக ஆலயத்தின் முன்புறம் உலோகத்தகடு வேய்ந்த கொட்டகை ஒன்றை அமைத்ததோடு அம்பிகைக்கு விலை உயர்ந்த ஆபரணங்களையும் பட்டாடைகளையும் வழங்கினார்.
அப்போதைய மூத்த இளவரசரும் பரம்பரை அறங்காவலருமாக விளங்கிய இராஜஸ்ரீ ராஜாராம்ராஜாசாகேப் அவர்கள் பொதுமக்கள் உதவியுடன் 3.7.1950-ல் குடமுழுக்கு விழாவை இனிதே நடத்தினார்.

🌐

NRI & Diaspora Traveler's Guide

Recommended Hub: Trichy (TRZ)

💡 Trichy is the most convenient entry point with 20+ direct flights weekly from KL and Singapore.

From Trichy (TRZ) 52 km

From Chennai (MAA) 268 km

Regional Transit Tips:

🇸🇬 Singapore/Malaysia: Direct flights via AirAsia or Scoot to Trichy (TRZ). Look for 'NRI Special Darshan' quotas if applicable.
🇸🇦 Middle East: Major carriers like Emirates and Air Arabia connect to Trichy (TRZ) via Hubs. Pre-book 'Temple Cabs' for reliable airport pickup.
📜 Pro Tip: Carry your OCI/Passport copy. Many temples offer faster 'Special Entry' lanes for overseas devotees.

₹50

approx. 0.8 SGD / 2.7 MYR

📅 2023 Gallery

திருக்கோயில் கிழக்கு வாயில் (முகப்பு வாயில்) திருக்கோயில் கிழக்கு வாயில் (முகப்பு வாயில்)

கோயில் நுழைவு வாயில் திருக்கோயிலின் நுழைவு வாயில்

அம்மன் அருள்மிகு மாரியம்மன்

கோபுரம் திருக்கோயிலின் கோபுரம்

கோபுரம் திருக்கோயில் கோபுரம்