அருள்மிகு தேனுபுரீஸ்வரர் திருக்கோயில், பட்டீஸ்வரம், பட்டீஸ்வரம் - 612703

🙏 Available Pooja Services

🪔 தங்கரதம் – ₹2000

☀️ Best Time for Pilgrimage

Nov to Feb Cooler (22°C - 30°C)

Ideal for NRI travelers used to AC environments.

Major Festival Annual Brahmotsavam

Plan 6 months ahead for flight bookings from SG/MY/UAE.

கோயில் பற்றி

கோயில் நகரமாம் கும்பகோணத்திற்கு தென்மேற்கே 8 கிலோமீட்டர் தொலைவில் பட்டீச்சுரம் அமைந்துள்ளது. தேவாரப்பாடல் பெற்ற சிவத்தல வரிசையில் காவிரியின் தென்கரையில் அமைந்த 23வது திருத்தலமாகும். நான்கு வாயில்களிலும் கோபுரங்கள் உள்ளன. இராஜ கோபுரம் ஏழு நிலைகளை உடையது. இரண்டாம் கோபுர வலப்புறம் ஆக்ஞா கணபதி சன்னதி உள்ளது. இரண்டாம் கோபுரத்தைக் கடந்து செல்லும் முன் அதிகார நந்திதேவரின் உத்தரவு பெற்று உள்ளே சென்றால் விலகிய நந்தியைக் காணலாம். கோயில் வாயிலில் உள்ள அலங்கார மண்டபம் மிகவும் அழகாகவும், பெரிதாகவும் உள்ளது. இம்மண்டபத்தில் காலசம்ஹாரர், அகோரவீரபத்திரர், வில்லேந்திய வேலவர், மன்மதன் முதலானோர், சம்ஹார வடிவிலும் பணிப்பெண்டீர், ஆடல்மகளீர் முதலான உருவங்கள் இம்மண்டபத்திற்கு அழகு சேர்க்கின்றன.உள்ளே சென்றால் பெரிய மண்டபம், பிச்சாடனர், சந்திரசேகரர், அர்த்தநாரீஸ்வரர் முதலான தெய்வத்திருமேனிகள் அனுக்கிரஹ முத்திரைக்காட்டி உள்ளன. திருஞானசம்பந்தருக்கு வெய்யிலில் வெப்பந்தணியஇறைவனால் முத்துப் பந்தல்அளிக்கப்பெற்றது. முத்துப் பந்தலின் நிழலில் வருவதைக் காண நந்தி தேவரை விலகியிருக்கும்படி கட்டளையிட்டார். அதன் அடையாளமாக... எல்லா எல்லா நந்திகளும் விலகியிருக்கின்றன. இவ்வாறே திருப்பூந்துருத்தியிலும், திருஞானசம்பந்தருக்காக நந்தி விலகியுள்ளது. திருப்புன்கூரில் நந்தனாருக்குக்காட்சி கொடுப்பதற்காக பெருமான் அருளால் நந்தி விலகியுள்ளது. திருஞானசம்பந்தரால் தேவாரம் பாடப்பெற்றது. தேவலோக பசுவான காமதேனு விரும்பி உறைந்த தலங்களுள் இதுவும் ஒன்று. இத்தலத்து இறைவனுக்கு காமதேனு சிவபூஜை செய்து கேட்டவருக்கு கேட்டதைக் கொடுக்கும் வரம் பல பெற்றது. ஆகவே, இவ்வூர் தேனுபுரி என்றும், சுவாமி தேனுபுரீஸ்வரர் என்றும் போற்றப்படுகிறார். இராமேஸ்வரம், வேதாரணியம், பட்டீச்சரம் இம்மூன்றும் மஹாக்ஷேத்திரங்கள், ஸ்ரீ ராமச்சந்திர மூர்த்தியின் சம்பந்தம் உள்ளவை. இம்மூன்று தலங்களிலும் ஸ்ரீ ராமன் லிங்க பிரதிஷ்டை செய்துள்ளார். இத்தலத்தில் இராமன் பிரதிஷட்டை செய்துள்ளார். இத்தலத்தில் இராமன் பிரதிஷ்டை செய்த லிங்கம் இராமலிங்கம் என்று அழைக்கப்படுகின்றது.

தல வரலாறு

வரலாற்று நிகழ்வுகள்
பிற்கால சோழ சாம்ராஜ்யத்தின் தலைநகராகப் பழையாறை மாநகர் விளங்கியது. அரசலாற்றுக்கு தெற்கும், முடிகொண்டான் ஆற்றுக்கு வடக்கும், வளம்பொருந்திய இந்நகர் சுமார் 5 மைல் நீளமும், 3 மைல் அகலமும் உள்ள பெரிய நகராகும். இன்று இந்நகர் நாதன்கோவில், உடையாளூர், கீழப்பழையார், மேலப்பழையார், முழையூர், பட்டீச்சுரம், திருச்சக்திமுற்றம், சோழன்மாளிகை, அரிச்சந்திரபுரம், ஆரியப்படையூர், பம்பைப்படையூர், புதுப்படையூர், மணப்படையூர், திருமேற்றளிகை, கோபிநாத பெருமாள் கோயில், சுந்தரபெருமாள் கோயில், இராசராசேந்திரன்பேட்டை, தாராசுரம் எனப் பல சிற்றூர்களாகப் பிரிந்துள்ளன.
கி.பி. ஏழாம் நூற்றாண்டின் முற்பகுதியில் வளம்பொருந்திய இந்நகர் முதலாம் மகேந்திரவர்மனின் ஆளுகைக்கு உட்பட்டு இருந்தது. பிற்கால சோழர்கள், பல்லவர்களுக்கு திரைசெலுத்தக்கூடிய குறுநில மன்னர்களாக இருந்தனர்.
இரண்டாம் நந்திவர்மன் கி.பி. ஏழாம் நூற்றாண்டில் பழையாறையில் ஓர் அரண்மனையும், நந்திபுர விண்ணகரம் என்னும்...
இரண்டாம் நந்திவர்மன் கி.பி. ஏழாம் நூற்றாண்டில் பழையாறையில் ஓர் அரண்மனையும், நந்திபுர விண்ணகரம் என்னும் திருமால் கோயிலையும் கட்டி இந்நகரை மாமல்லபுரம், காஞ்சி மாநகருக்கு இணையாகச் சிறந்த நகராக வைத்துக்... கொண்டான். தெள்ளாறெரிந்த நந்திவர்மன் காலத்தில் பழையாறை என்னும் இந்நகரில் அடிக்கடிப் போர்கள் நிகழ்ந்தன. இவற்றுள் குடமூக்கு போர், இடவைப்போர், திருப்புறம்பியம் போர் சிறப்பு வாய்ந்தது.
விஜயாலயச் சோழனின் முன்னோர்கள் பழையாறையில் வாழ்ந்திருந்தனர். திருப்புறம்பியம் போருக்குப் பின்னரே தஞ்சை சோழர்களின் தலைநகராயிற்று. தஞ்சை தலைநகராக விளங்கிய பின்னரும் சோழ அரச குடும்பத்தினர் பழையாறையில் இருந்தனர். இரண்டாம் பராந்தகன் என்னும் சுந்தரச்சோழன் கி.பி. 10 ஆம் நூற்றாண்டளவில் இந்நகரில் அரசாண்டான்.
முதலாம் இராசராசசோழனின் தமக்கை குந்தவைப்பிராட்டியார் தஞ்சையில் கி.பி.1015-இல் சுந்தரச்சோழ விண்ணகர் ஆதுரச்சாலை என்னும் மருத்துவ நிலையம் ஒன்றினை நிறுவி, மருத்துவபோகமாக நிலமும் பொருளும் அளித்த உத்தரவை பழையாறையில் உள்ள அரண்மனையிலிருந்து பிறப்பித்தார்.
கி.பி.1019-இல் முதல் இராசேந்திரசோழன் கங்கை கொண்ட சோழபுரம் என்ற நகரினை அமைப்பதற்கு முன்னர் பழையாறை நகருக்கு முடிகொண்ட சோழபுரம் என்று பெயரிட்டு இங்கிருந்தே அரசாண்டான் என்பதை கல்வெட்டுகள் கூறுகின்றன. முடிகொண்டான் என்னும் பேராற்றை இவ்வரசனே வெட்டுவித்தான். இதனை திருவாலங்காட்டுச் செப்பேடுகள் உறுதி செய்கின்றன.
கி.பி. 1112-இல் முதற் குலோத்துங்க சோழன் இந்நகரில் அரண்மனை வாணாதிராசன் என்ற சிங்காசனத்தில் வீற்றிருந்து தேவதானங்களை வழங்கினான். இவ்வுத்தரவு அம்பர் மாகாளத்தில் வரையப்பட்டுள்ளது. விக்கிரமச்சோழன், இரண்டாம் குலோத்துங்கன், இரண்டாம் ராசராசன் ஆகிய மூவேந்தர் காலத்தில் வாழ்ந்த ஒட்டக்கூத்தர் இந்நகரை இராசராசபுரி (இராசராசபுரம்) என்று குறிப்பிடுகின்றார்.
13-ஆம் நூற்றாண்டின் முற்பகுதியில் மூன்றாம் இராசராசச்சோழனை வென்று சோழ நாட்டைக் கைப்பற்றிய முதல் மாறவர்மன் சுந்தரபாண்டியன் சோழ நாட்டில் முடிகொண்ட சோழபுரத்தில் விசயாபிடேகம் (விஜயாபிஷேகம்), வீரபாபிடேகம்(வீராபிஷேகம்), செய்து கொண்டான். அடைக்கலம் வேண்டிய மூன்றாம் இராசராசனுக்கு முடிகொண்ட சோழபுரத்தையும் சோழநாட்டையும் வழங்கினான்.
கி.பி. ஏழாம் நூற்றாண்டு முதல் பதினான்காம் நூற்றாண்டு வரையில் இம்மாநகர், பழையாறை, நந்திபுர முடிகொண்ட சோழபுரம், இராசராசபுரம் என்னும் பெயர்களைச் சில வேந்தர்களின் ஆட்சிக் காலத்தில் பெற்று 2-ஆவது தலைநகராகச் சிறப்புடன் விளங்கியது. சோழர்கள் முடிசூட்டிக் கொள்ளும் நகரங்களுள் ஒன்றாகவும் சிறந்திருந்தது.

🌐

NRI & Diaspora Traveler's Guide

Recommended Hub: Trichy (TRZ)

💡 Trichy is the most convenient entry point with 20+ direct flights weekly from KL and Singapore.

From Trichy (TRZ) 72 km

From Chennai (MAA) 247 km

Regional Transit Tips:

🇸🇬 Singapore/Malaysia: Direct flights via AirAsia or Scoot to Trichy (TRZ). Look for 'NRI Special Darshan' quotas if applicable.
🇸🇦 Middle East: Major carriers like Emirates and Air Arabia connect to Trichy (TRZ) via Hubs. Pre-book 'Temple Cabs' for reliable airport pickup.
📜 Pro Tip: Carry your OCI/Passport copy. Many temples offer faster 'Special Entry' lanes for overseas devotees.

📍 Open in Google Maps 📲 Share with Family

பூஜை சேவைகள்

🪔

தங்கரதம்

₹2000

approx. 32.0 SGD / 108.0 MYR