அருள்மிகு லட்சுமி நரசிம்மசுவாமி திருக்கோயில், சோளிங்கர் - 631102

🙏 Available Pooja Services

🪔 காது குத்தல் கட்டணம் – ₹25
🪔 அன்னை தமிழ் வழிபாடு – ₹5
🪔 பெரியமலை அர்ச்சனை – ₹5

View All Poojas

☀️ Best Time for Pilgrimage

Nov to Feb Cooler (22°C - 30°C)

Ideal for NRI travelers used to AC environments.

Major Festival Annual Brahmotsavam

Plan 6 months ahead for flight bookings from SG/MY/UAE.

கோயில் பற்றி

திருக்கடிகை எனும் சோளிங்கபுரம் தற்போது (சோளிங்கர்) தமிழகத்தில் இராணிப்பேட்டை மாவட்டத்தில், 108 வைணவ திவ்ய தேசத்தில் ஒன்றாகவும், தொண்டை நாட்டு வைணவ திருக்கோயில்களில் 22-ல் ஒன்றாகவும், மிகச் சிறந்த பிராத்தனை திருத்தலமாக விளங்கி வருகிறது. இத்தலத்து எம்பெருமானை திருமங்கையாழ்வார், பேயாழ்வார், நம்மாழ்வார் போன்றவர்கள் மங்களாசாசனம் செய்து பாடல்கள் பாடியுள்ளனர். இத்தலத்தை ஆழ்வார்கள் புராணப் பெயரால் கடிகாசலம் என்றனர். தவப்பெரியோர்கள் ஏழு மாமுனிவர்களான வாம தேவர், வசிஷ்டர், கத்யபர் அத்திரி, ஜமதக்னி, கெளதமர், பரத்துவாஜர் ஆகியோர் சிங்கப் பெருமானை சாந்த வடிவில் தரிசிக்க விரும்பி இறைவனை தொழ எம்பெருமான் ஸ்ரீ யோக நரசிம்ம சுவாமி அவர்கள் நினைத்தமாத்திரத்தில் ஒரு கடிகை ( ஒரு நொடிப்பொழுது) நேரம் அவர்களுக்கு திருமலையில் காட்சி அருளியதால் இத்தலம் கடிகாசலம் எனப் பெயர் பெற்றது. இத்தலம் சோளசிம்மபுரம் சோளிங்கபுரம் என அழைத்து தற்போது சோளிங்கர் என அழைக்கப்படுகிறது. ஸ்ரீமந் நாராயணன் எடுத்த அவதாரங்களில் ஒப்பற்று உயர்ந்து நிற்பது நரசிங்க... அவதாரம் என்றால் அதனை மறுத்தல் கூடுமோ? கடவுள் எல்லா இடங்களிலும் நிறைந்துள்ளார் என்ற உண்மையை கண்கூடாக வெளிப்படுத்திய அவதாரமல்லவோ அது பெற்ற தகப்பனே பகையாய் மற்றை யார் எவரும் எவ்வகையிலும் உதவிட முடியாத நிலையில் பள்ளியில் ஓதிவந்த சிறுவன் பிரகலாதனின் சொல்லை ஸத்யமாக்க தன்னை அண்டியவர்களை நரசிங்கமாய் அவதரித்து உதவியவனின் மேன்மையும் நீர்மையுமே அடிவர்க்குப் பெரும்பலமாகும். அத்தகைய தெள்ளிய சிங்கமாகிய தேவனே யோக நரசிம்ம சுவாமி திருக்கோயில் கொண்டுள்ளான் திருக்கடிகை மலையில். அரக்கோணம் வழியாக சோளிங்கபுரம் நகரின் உள்ளே நுழையும்முன் நிழல் தரும் மரங்கள் அடர்ந்த திருக்குளமும் தோரணவாயிலும் எம்பெருமான் மலைக்கு கைக்காட்டுகின்றன. அழகிய அக்குளம் பிரம்ம தீர்த்தம் என்றும் தக்கான்குளம் என்றும் அழைக்கப்படும். நான்முகன் சாபதோஷம் நீங்கிய குளமாதலால் பிரம்ம புஷ்கரனி எனவும் வழங்கப்படுகிறது. ஊர்திருக்கோயிலில் உற்சவமூர்த்தி அருள்மிகு பக்தோசித பெருமாள் (தக்கான் என்று திரு நாமம்) சித்திரை மாதம் திருவாதிரை நட்சத்திரம் அன்று கொடியேறி சித்ரா பெளர்ணமி சித்திரை நட்சத்திரம் அன்று தீர்த்தவாரியும் கொடி இறக்குதலும் நடைபெறும். சித்திரை மாதம் பிரம்மோற்சவம் முடித்து பெரியமலைக்கு கொடி இறக்கம் காணவும், துவாதசாராதனம் கண்டருளவும் எழுந்தருளும் போது இக்குளத்தில் தீர்த்தவாரி கண்டளுவதால் தக்கான் குளமாயிற்று, இக்குளக் கரையில் அழகியதொரு கோயிலும் ஆஞ்சநேயரின் 30 அடி உயர சிலையும் உள்ளது. இக்கோயிலில் காஞ்சிபுரம்இ தேவராஜப் பெருமான் தன் மெய்யடியாரான சுவாமி தொட்டாச்சார்யாருக்கு கருடவாகனத்தில் காட்சி அளித்தற்கு பிரத்யட்சமாக கச்சியப்பதி இறைவன் கருடவாகனத்தில் காட்சி அளிக்கும் அற்புத சிலா விக்கரத்தை இன்றும் காணலாம். தக்கான்குளத்தில் நீராடித் தூய ஆடை தரித்து தூய சிந்தனையுடன் பெரியமலை அடிவாரம் சென்ற அளவில் ஒரு குளம் காணப்படும். இதுதான் நரசிம்ம தீர்த்தமாகும். சிவன் தனது பிரம்மஹத்தி தோஷம் நீங்க நீராடிப் பேறு பெற்ற தீர்த்தமும் இதுவே ஆகும். இக்குளக்கரையில் தானம், தருமம் செய்வது கடையைக் காட்டிலும் மேலான பலனைத் தருவதாகும். நரசிம்ம தீர்த்ததில் நீராடியோ, தீர்த்தத்தை தலையில் தெளித்துக் கொண்டோ மேலும் சில அடிகள் நடந்தால் சிங்கபெருமானின் மலைக்கோயில் படிகட்டு வரும். அங்குத் தன்னிட்டு இறைவன் அருள் கொண்டு மலையேறும் போது காணும் அற்புதக் காட்சிகளை எவ்வாறு எடுத்துரைப்பது? 750 அடி உயரமும், 1305 படிகட்டுகளும் கொண்ட பெரியமலை உயரே சென்று மலையுச்சியை அடைந்து கொடிக்கம்பத்தை வணங்கி உள்ளே நுழைந்தால் முதலில் அருள்மிகு அமிர்தபலவல்லித் தாயார் மூலவர், உற்சவரை வணங்கி வழிபட வேண்டும்.

தல வரலாறு

தலவரலாறு
சோளிங்கர் என்று தற்போது வழங்கப்பெறும் இவ்வூர் பண்டைக் காலத்தில் திருக்கடிகை என்ற பெயரில் வழங்கப்பெற்றுள்ளது என்பது பேயாழ்வாரின் மூன்றாம் திருவந்தாதி பாசுரத்தின் மூலமும் திருமங்கையாழ்வார் பாசுரங்களின் மூலமும் அறியலாம்.
புராண நூலின் படி இதன் பெயர் கடிகாசலம் என்பதாகும். கடிகா என்பது கால அளவின் ஒரு கூறு . அசலம் என்றால் மலை. இங்குள்ள மூலவரான யோக நரசிம்மரைப் பற்றிப் பேயாழ்வார், நம்மாழ்வார், திருமங்கையாழ்வார் மூவரும் இத்திருத்தலத்தில் பதிகம் பாடி மங்களாசாசனம் செய்துள்ளார்கள்.
திருமங்கை ஆழ்வார் மங்களாசாசனம் ( பெரிய திருமொழி)
மிக்கானை மறையாய் விரிந்த விளக்கை என்னுள்
புக்கானைப் புகழ்சேர் பொலிகின்ற பொன்மலையைத்
தக்கானைக் கடிகைத் தடங்குன்றின் மிசை இருந்த
அக்காரத் கனியே அடைந்துய்ந்து போனேனே.
நம்மாழ்வார் மங்களாசாசனம் ( திருவாய்மொழி )
எக்காலத் தெந்தையாய் என்னுள் மண்ணில்
மற்றெக் காலத்திலும் யாதொன்றும்...
மற்றெக் காலத்திலும் யாதொன்றும் வேண்டேன்
மிக்கார் வேதவிமலர் விழுங்கும் என்
அக்காரக் கனியே உன்னை யானே.
பேயாழ்வார் மங்களாசாசனம் ( மூன்றாம் திருவந்தாதி)
பண்டெல்லாம் வேங்கடம் பாற்கடல் வைகுந்தம்
கொண்டங் குறைவார்க்கு கோயில்போல் வண்டு
வளம் கிளரும் நீள்... சோலை வண்பூங் கடிகை
இளங் குமரன் தன் விண்ணகர்.
மேலும் பிரகல்லாதன் முதலிய அடியவர்களுக்குக் கடிகை மாத்திரைப்பொழுதில் இம்மலை மீது யோக நிலையில் காட்சியளித்து முக்தியளித்ததால் கடிகாசலம் எனப்பெயர் பெற்றுள்ளது.
சோழர்களில் கரிகாற்சோழன் ஆட்சியில் தன் நாட்டை 48 கோட்டமாக பிரித்ததில் திருக்கடிகை நாடு எனக் குறிப்பிடப்பட்டுள்ளது.
இங்கு வேதம் முதலிய அரிய கலைகள் கற்பிக்கப்பட்ட காரணத்தினால் கடிகாசலம் எனப் புகழும் பெற்றது. சோளசிம்மபுரம் எனப் பெயர் பெற்றது. மலைத் திருக்கோயிலும் ஊரும் மிகப் பழமையானவை என்பதை மலைத்திருக்கோயிலில் உள்ள கல்வெட்டின் மூலம் தெரியவருகிறது. பெரிய மலையில் 14 ம் நூற்றாண்டுக் கல்வெட்டுக்கள் காணப்படுகின்றன. சிறிய மலையில் 17 ம் நூற்றாண்டு கல்வெட்டுக்கள் காணப்படுகின்றன.
திருக்கோயிலின் புராண வரலாறு :
இந்திரத்யும்ன மஹாராஜா தனது மனைவியுடன் திருமலை திருப்பதிக்குச் சென்று திருமலை திருவேங்கடமுடையானைச் சேவித்துத் தங்களுக்குப் பெரு வீடு (மோட்சம்) வேண்டுமென்று பிரார்த்திக்க அதற்கு அவர் சோளிங்கபுரம் என்கிற திருக்கடிகைக் குன்றின் பெரியமலை மீது வீற்றிருக்கும் அருள்மிகு யோக நரசிம்ம சுவாமியிடம் சென்று வணங்கி வழிபட்டு உன்னுடைய பேற்றினைப் பெறுவாயாக என்று அருள் கூர்ந்தார்.
அதன்படி இந்திரத்யும்ன மகாராஜன் தன்னுடைய ஷத்திரிய தர்மத்திற்கு விரோதமாக சஸ்திர தியாகம் (ஆயுதங்கள்) செய்து நரசிம்மரை வழிபட்டார். அச்சமயம் ரிஷிகள் பகவானை வழிபட்டு தவம் செய்த போது, நிகும்பன் என்னும் அரக்கனாலே துன்பப்பட்டு வந்தார்கள்.
இந்திரத்யும்ன மன்னன் வந்தவுடன் அவரிடம் தங்களுடைய துயரத்தினைப் போக்க வேண்டும் என்று பிரார்த்திக்க அரசனும் தான் சஸ்திர தியாகம் செய்து விட்டபடியால் அரக்கருடன் போர் செய்ய இயலாது என்று கூற அதற்கு அவர்கள் மறுத்து உன்னுடைய ஷத்திரிய தர்மத்தை விட்டுவிட்டு வேறு தர்மத்தை எடுத்துக்கொள்வது பெரும் பயத்தை விளைவிக்கக் கூடியது. ஆகவே நீ எங்களுக்குப் பாதுகாப்பு கொடுக்க வேண்டியது உன்னுடைய தர்மமும் கடமையும் ஆகும் என்று தெரிவித்துவிட்டார்கள் அன்று இரவு அரசனும் ரிஷிகளும் தனது சங்கல்பத்தை மாற்ற முடியாமல் மிகவும் மனம் நொந்தார்கள். எம்பெருமான் நேரில் சேவை கொடுத்துச் சங்கல்பத்தை ரிஷிகளுடைய பிரார்த்தனையும் சிறிய மலையில் தியானம் செய்து வரும் சிறிய திருவடிக்கு (அருள்மிகு யோக ஆஞ்சநேய சுவாமி) கார்த்திகை வெள்ளிக்கிழமை அன்று இந்திரத்யும்ன மகாராஜாவுக்குச் சகாயமாக நீ யுத்தம் செய்து நிகும்பன் என்ற அரக்கனை மாய்த்து வர வேண்டியது எனப் பணிந்து தனது சுதர்ஸன ஆழ்வாரைக் (சக்கரம்) கொடுத்து அனுக்கிரகித்து அனுப்பி வைத்தார்கள். அவ்வண்ணமே சிறிய திருவருடியும் அரக்கனைக் கொன்று அரசனுக்கு உதவியதாக ரிஷிக்கூட்டங்கள் மங்களத்தைச் செய்து வைத்த நாள் ஞாயிற்றுக்கிழமை ஆகும்.
ஆகவே ஞாயிற்றுக்கிழமை அன்று அருள் மிகு யோக ஆஞ்சநேய சுவாமி சங்கு சக்கரங்களைப் பெற்று ஸ்ரீ வைஷ்ணவ பரிபூரணத்தை அடைந்ததாக சரித்திரம் கூறுகிறது. அந்தச் சக்கரத்தைச் சிறிய மலையில் உள்ள புஷ்பகரணியில் (குளம்) திருமஞ்சனம் செய்து அதை பரிக்ரஹித்தார். அந்தக் குளத்திற்கு இன்றும் சக்கர தீர்த்தம் எனப்பெயர் வழங்கப்பட்டுவருகிறது.
கார்த்திகை ஞாயிற்றுக்கிழமை சக்கர தீர்த்தத்தில் நீராடி படிக்கட்டுகளில் படுத்து விரதம் இருந்தால் அவர்களுக்க அருள்மிகு யோக ஆஞ்சநேயர் சொப்பனத்தில் காட்சி கொடுத்து விருப்பத்தை நிறைவேற்றுவதை இன்றும் காணலாம். கார்த்திகை மாதத்தில் ஒவ்வொறு ஆண்டும் வெள்ளி, ஞாயிறு தினங்களில் பெரிய மலையில் பெருமாளுக்கும் தாயாருக்கும் சிறப்பு திருமஞ்சனம் அலங்காரம் மற்றும் உற்சவம் நடத்தப்படுகிறது. அதே போல் சிறிய மலையிலும் ஞாயிறு அன்று அருள்மிகு யோக ஆஞ்சநேயருக்கும் சிறப்பு திருமஞ்சனம் அலங்காரம் மற்றும் பிரார்த்தனைகள் உற்சவங்கள் விஷேசமாக இன்றளவும் நடத்தப்பட்டு வருகிறது.

🌐

NRI & Diaspora Traveler's Guide

Recommended Hub: Chennai (MAA)

💡 Chennai is the primary international gateway with direct connections from Riyadh, Dubai, and Singapore.

From Trichy (TRZ) 270 km

From Chennai (MAA) 82 km

Regional Transit Tips:

🇸🇬 Singapore/Malaysia: Direct flights via AirAsia or Scoot to Chennai (MAA). Look for 'NRI Special Darshan' quotas if applicable.
🇸🇦 Middle East: Major carriers like Emirates and Air Arabia connect to Chennai (MAA) via Hubs. Pre-book 'Temple Cabs' for reliable airport pickup.
📜 Pro Tip: Carry your OCI/Passport copy. Many temples offer faster 'Special Entry' lanes for overseas devotees.

📍 Open in Google Maps 📲 Share with Family