கோயில் பற்றி

இத்திருக்கோயில் கொங்கு வேளாள கவுண்டர்களின் கொங்கு சேரலான், பூசன் குலத்தவர்களுக்கும், கொங்கு செட்டியார்களுக்கும் குலதெய்வ திருக்கோயிலாகும். இத்திருக்கோயிலின் நிர்வாகம் இந்து சமய அறநிலையத்துறை மூலம் நடைபெற்று வருகிறது. இத்திருக்கோயிலில் ஆண்டு தோறும் மாசி தேர் திருவிழா நடைபெறும். பிரதி வாரம் செவ்வாய், வெள்ளி மற்றும் பிரதி மாதம் அமாவாசை, பௌர்ணமி ஆகிய நாட்கள் விஷேச தினங்களாகும். பௌர்ணமி நாட்களில் தங்க தேரோட்டம் நடைபெறும். 27 நட்சத்திரங்களில் உத்திர நட்சத்திரத்திற்கு உகந்த கோயிலாகும்.

தல வரலாறு

புராண பெருமை வாய்ந்த இப்பிரபஞ்சத்தில் மூர்த்தி ஸ்தலம் தீர்த்தம் எனும் பெருமை பெற்று ஆன்பொருனை எனும் அமராவதி நதியின் வளத்தால் சிறந்து விளங்கும் சீர்மிகு கொங்கு திருமண்டலத்தில் திருமூலர் எனும் சித்தரால் திருமூலனுhர் என்று புகழ் பெற்று விளங்கி வரும் மூலனுhரில் அருள்மிகு வஞ்சியம்மன் என்ற திருநாமத்துடன் அவதரித்து கொங்குசேரலான், பூசன், கொங்கு செட்டியார், கம்பளத்தார், சீராளர் ஆகிய குலங்களுக்கு குலதெய்வதாகவும், வழிபடும் எண்ணிலடங்கா பக்தர்களுக்கு இஷ்ட தெய்வமாகவும் 27 நட்சத்திரங்களில் உத்திர நட்சத்திரத்தின் புண்ணிய ஸ்தலமாகவும் மற்றும் சித்தர்கள் ரிஷிகள் அருள்மிகு வஞ்சியம்மனை பூஜித்து வழிபட்டு அஷ்டமா சித்திகளை பெற்றதால் தக்ஷிணகைலாயமென்றும் செவிவழி செய்தியாக ஸ்தல புராணங்கள் கூறுகின்றது.

பூஜை சேவைகள்