அருள்மிகு பண்ணாரி மாரியம்மன் திருக்கோயில், பண்ணாரி - 638401

🙏 Available Pooja Services

🪔 தங்கத்தேர் – ₹1500
🪔 அர்த்தஜாமம் அபிஷேகம் – ₹750
🪔 தங்க கவசம் – ₹750

View All Poojas

☀️ Best Time for Pilgrimage

Nov to Feb Cooler (22°C - 30°C)

Ideal for NRI travelers used to AC environments.

Major Festival Annual Brahmotsavam

Plan 6 months ahead for flight bookings from SG/MY/UAE.

கோயில் பற்றி

ஈரோடு மாவட்டம் சத்தியமங்கலம் வட்டம் பண்ணாரியில் அருள்மிகு பண்ணாரி மாரியம்மன் திருக்கோயில் அமைந்துள்ளது.அருள்மிகு பண்ணாரி மாரியம்மன் சுயம்பு வடிவானவள். அம்மன் தெற்குப்பார்த்து அமர்ந்திருப்பது தனிச்சிறப்பாகும். சத்தியிலிருந்து மைசூர் செல்லும் தேசிய நெடுஞ்சாலையில் 14 கி.மீ. தொலைவில் திருக்கோயில் அமைந்துள்ளது. தமிழகத்தில் பல்வேறு மாவட்டங்களிலிருந்தும், கர்நாடகா மாநிலத்திலிருந்தும் அதிகளவில் பக்தர்கள் சுவாமி தரிசனம் செய்ய வருகை புரிவார்கள். இத்திருக்கோயிலில் பங்குனி குண்டம் திருவிழா சிறப்பாக கொண்டாடப்படுகிறது. பங்குனி குண்டந்திருவிழாவில் லட்சக்கணக்கான பக்தர்கள் குண்டம் இறங்குவார்கள். பக்தர்கள் இறங்கிய பிறகு கடைசியாக கால்நடைகள் குண்டத்தில் இறங்குவது சிறப்பம்சமாகும். பூச்சாற்று ஆண்டுதோறும் பங்குனி மாதத்தில் உத்திரம் நட்சத்திரம் அதாவது பௌர்ணமிக்கு முந்தின பதினைந்தாம் நாள் திங்கட்கிழமை (அமாவாசைக்கு அடுத்த திங்கட்கிழமை. இது சில ஆண்டுகளில் முன், பின் வரும்) இரவு அம்மனுக்கு அபிஷேகம் அலங்காரங்கள் செய்வித்து பூச்சாற்று நடைபெறும். அம்பிகை புறப்பாடு பூச்சாற்று நடந்த மறுநாள் தேவியைச் சப்பரத்தில் எழுந்தருளச் செய்து, அலங்கரித்துச் சிக்கரசம்பாளையம், வெள்ளியம்பாளையம்,... புதூர், தாண்டாம்பாளையம், சத்திய மங்கலம் இடையில் இன்னும் சில ஊர்களில் எழுந்தருளச் செய்து ஆங்காங்கு வேண்டுதல்காரர்கள் பூசைகள் செய்வித்தும், காணிக்கைகள் செலுத்தியும் வணங்குவார்கள். அம்மையின் புறப்பாட்டின்போது சோளகர் என்ற மலைவாசிகளின் வாத்தியங்களும், கிராமத்து மக்களின் தாரை, தம்பட்டை வாத்தியங்களும் முழங்கும். கோயில் சம்மந்தப்பட்டவர்கள் தேவியுடன் வருவார்கள். பூச்சாற்றிலிருந்து 9-ம் நாள் செவ்வாய்கிழமை கோயில் வந்து சேருகிறாள் நம் தாய். கம்பம் நாட்டு விழா பூச்சாற்றிலிருந்து ஒன்பதாம் நாள் செவ்வாய்க்கிழமை இரவு முன் கூறிய பெரியோர்களால் அம்பிகைக்கு ஆராதனை செய்விக்கப் பெற்று அன்றிரவு அக்கினிக்கம்பம் போடுவார்கள். அன்று முதல் அக்கம்பத்தருகே இரவு காலங்களில் மலைவாழ் மக்களும், கிராமத்தாரும் தங்கள் வாத்தியங்களை முழக்கி ஆடல், பாடல்கள் செய்வார்கள். காணவும், கேட்கவும் ஆனந்தம் உண்டாகும். பூச்சாற்றிலிருந்து அம்பிகைக்கு தினசரி அபிஷேக ஆராதனை நடைபெறும். திங்கட்கிழமை காலையில் அம்மையின் அலங்காரம் அம்பிகைக்குத் தங்க கவசமும் மற்றும் விலை உயர்ந்த ஆடைகளும் அணிவித்து பலவித மாலைகளால் அலங்கரித்தும் இருப்பதைக் காணக்காண ஆனந்தப் பரவசமாயிருக்கும். ஏராளமான பக்தகோடிகள் வந்து தரிசித்துத் திருவருளைப் பெறுவர். குண்டம் இறங்குதல் திங்கள் இரவு இரண்டு மணியளவில் அம்மை அழைக்கப் புறப்படுவார்கள். தெப்பக்கிணற்றருகே சென்று அம்மையை அழைத்துக் குண்டத்தருகே வரும்போது பல லட்சக்கணக்கான மக்கள் திரள் திரளாகக் குழுமியிருப்பர். சமப்படுத்தப்பட்டிருக்கும், குண்டத்தருகே யாவரும் வந்து அம்மையைப் பணிந்து நிற்க, பூசாரியார் பூசை செய்து முதலில் குண்டத்திலிறங்குவார். பிறகு வரிசையாக ஆண்களும், பெண்களும் இறங்குவார்கள். இது செவ்வாய் மாலை வரை நடைபெறும். அதன்மேல் கால்நடைகளும் இறங்குகின்றன. புதன்கிழமைசுற்றுவட்டார கிராமங்களிலிருந்து பெண்கள் மாவிளக்கு எடுத்து வந்து தெப்பக்குளத்திலிருந்து மேளதாளங்களுடன் கோவிலுக்கு வந்து பூசை செய்வார்கள். அன்று இரவு மலர் ரதம் மின் விளக்குகளால் நன்கு அலங்கரிக்கப்பட்டு நாதசுரக் கச்சேரியுடன் வீதி உலா நடைபெறும். மகாமுனி வருகையும், இரவில் அக்கினிக் கம்பம் பிடுங்குதலும் நடைபெறும். கம்பத்தை கிணற்றில் விடுவார்கள். மஞ்சள் நீர், அன்னதானம் வியாழனன்று மஞ்சள் நீர் உற்சவமும், திருக்கோயிலாரால் அன்னதானமும் நடைபெறும். அன்று அம்மனுக்குச் சிறப்பு அபிஷேக ஆராதனைகள் நடைபெறும். மறு பூசை குண்டம் திருவிழா நடந்த எட்டாம் நாள் திங்கட்கிழமை அன்று மறு பூசைத் திருவிழா நடைபெறும். ஞாயிற்றுக்கிழமை இரவிலேயே ஏராளமான பக்தர்கள் வந்து கூடிவிடுவர். அம்பிகைக்கு அபிஷேகம் சிறப்பாக நடைபெறும். சிறப்பு அலங்காரம், அதாவது திருவிழாவன்று அலங்கரித்தது போலத் தங்கக் கவசம் அமைந்த விலையுயர்ந்த ஆபரணங்கள் அணிவித்து மலர் மாலைகளால் ஒப்பனை செய்யப்படும்.

தல வரலாறு

அனைத்து ஆற்றல்களுக்கும் ஆதாரமாக இருப்பது இறையாற்றலாகும்.அவ்விறையாற்றலே பல்வேறு பெயர்களுடன் பல்வேறு திருவிடங்களில் குடி கொண்டுள்ளது. இவ்வாற்றலே கொங்குநாட்டின் வடமேற்கு எல்லையருகில் மைசூர் செல்லும் வழியில் பண்ணாரியில்,அருள்மிகு பண்ணாரி மாரியம்மன் என்னும் பேராற்றலாக எழந்தருளியுள்ளது .பண்ணாரி மாரியம்மன் மிகவும் சக்தி வாய்ந்த காவல் தெய்வமாகும்.இத்தலம் ஈரோடு மாவட்டம் சத்தியமங்கலத்திலிருந்து மேற்கே 14 கிலோ மீட்டர் தொலைவில் அடர்ந்த வனத்தினிடையே அமைந்துள்ளது. இத்தலத்தில் தெற்குப் பார்த்த வண்ணமாக எழுந்தருளியுள்ள அருள்மிகு பண்ணாரி மாரியம்மன் சுயம்பு லிங்க வடிவமாக உள்ளது. இன்றைக்கு சுமார் 300 ஆண்டுகளுக்கு முன்பு இவ்விடம் அடர்ந்த வனப்பகுதியாக இருந்தது. இவ்விடத்தில் வற்றாத காட்டாறு ஓடிக்கொண்டே இருக்கும்.காட்டாற்றின் பெயரோ தோரணப்பள்ளம் என்பதாகும்.இக்காட்டாறு இத்தலத்தின் மேற்குப்புறத்தில் உள்ளது. திம்பம் மலையின் அடிவாரம் தென்குமரி தெய்வத்தின் அவதாரம்...
அனைத்து ஆற்றல்களுக்கும் ஆதாரமாக இருப்பது இறையாற்றலாகும்.அவ்விறையாற்றலே பல்வேறு பெயர்களுடன் பல்வேறு திருவிடங்களில் குடி கொண்டுள்ளது. இவ்வாற்றலே கொங்குநாட்டின் வடமேற்கு எல்லையருகில் மைசூர் செல்லும் வழியில் பண்ணாரியில்,அருள்மிகு பண்ணாரி மாரியம்மன்... என்னும் பேராற்றலாக எழந்தருளியுள்ளது .பண்ணாரி மாரியம்மன் மிகவும் சக்தி வாய்ந்த காவல் தெய்வமாகும்.இத்தலம் ஈரோடு மாவட்டம் சத்தியமங்கலத்திலிருந்து மேற்கே 14 கிலோ மீட்டர் தொலைவில் அடர்ந்த வனத்தினிடையே அமைந்துள்ளது. இத்தலத்தில் தெற்குப் பார்த்த வண்ணமாக எழுந்தருளியுள்ள அருள்மிகு பண்ணாரி மாரியம்மன் சுயம்பு லிங்க வடிவமாக உள்ளது. இன்றைக்கு சுமார் 300 ஆண்டுகளுக்கு முன்பு இவ்விடம் அடர்ந்த வனப்பகுதியாக இருந்தது. இவ்விடத்தில் வற்றாத காட்டாறு ஓடிக்கொண்டே இருக்கும்.காட்டாற்றின் பெயரோ தோரணப்பள்ளம் என்பதாகும்.இக்காட்டாறு இத்தலத்தின் மேற்குப்புறத்தில் உள்ளது. திம்பம் மலையின் அடிவாரம் தென்குமரி தெய்வத்தின் அவதாரம் இவ்விடத்தில் நிகழப்போகிறது என்பதை உலகினுக்கு அறிவிக்கவோ என்னவோ இக்காட்டாற்றின் துறையில் பசுவும் புலியும் ஒரே இடத்தில் நீர் குடிக்கும் நிகழ்வுகள் நிகழ்ந்துள்ளன. இச்சுற்றுவட்டார கிராம மக்கள் தங்கள் ஆடு மாடுகளை மேய்ப்பதற்கு இவ்வனப்பகுதிக்குச் செல்வது வழக்கம்.இம்மக்கள் மாடுகளுக்குப் பட்டிகள் அமைத்து வனப்பகுதியிலேயே தங்கிக் கொள்வார்கள்.தினசரி காலையில் மாடுகளை மேய்ப்பதற்கு ஓட்டிச் செல்வார்கள்.பின்னர் மாலையில் மாடுகளை ஓட்டி வந்து பட்டியில் அடைப்பார்கள்.காலையிலும், மாலையிலும் பாலைக் கறந்து மாட்டின் உரிமையாளருக்குக் கொடுப்பார்கள்.ஒரு பட்டியிலிருந்து காராம்பசு ஒன்று கறக்கச் சென்றால் கறப்பதற்கு நில்லாமல் தன் கன்றுக்கும் கொடுக்காமல் இருப்பதை மாடுகளை மேய்ப்போன் அறிந்தான்.மறுநாள் மாட்டினைப் பின் தொடர்ந்து சென்று கவனித்தான்.அப்பசு தினந்தோறும் பாலை ஒரு வேங்கை மரத்தின் அடியில் கணாங்கு புற்கள் சூழ்ந்த ஒரு குறிப்பிட்ட இடத்தில் தன்னிச்சையாகப் பொழிவதை மறைவிலிருந்து பார்த்தான். இந்நிகழ்ச்சியைக் கண்ணுற்ற அவன் மறுநாள் சுற்று வட்டார கிராம மக்கள் ஊர்ப் பெரியோர்களிடமும் விபரத்தைச் சொல்லி அனைவரையும் அழைத்துக் கொண்டு மாட்டினைப் பின் தொடர்ந்து சென்று ஒரு குறிப்பிட்ட இடத்தில் ( மாடு ) காராம்பசு பால் சொரிவதைக் காண்பித்தான். அனைவரும் இவ்வரிய நிகழ்ச்சியனைக் கண்டு மெய்சிலிர்த்து நின்றார்கள்.இது தெய்வத்தின் திருவிளையாடல் என்றெண்ணிக் கைகூப்பித் தொழுதார்கள். மக்கள் அனைவரும் அவ்விடத்தைச் சுத்தம் செய்யும் போது கணாங்கு புற்கள் சூழ்ந்த ஒரு புற்றும் அதனருகில் சுயம்புலிங்கத் திருவுருவும் வேங்கை மரத்தின் அடியில் இருப்பதைக் கண்டார்கள். அப்போது அக்கூட்டத்தில் இருந்த ஒருவருக்கு தெய்வ அருள் உண்டாகி தான் கேரளா மாநிலம் வண்ணார்க்காடு ( மண்ணார்க்காடு ) என்ற ஊரிலிருந்து பொதிமாடுகளை ஓட்டிக்கொண்டு மைசூர் செல்லும் மக்களுக்கு வழித் துணையாக வந்தேன் என்றும் எழில் மிகுந்த இவ்வியற்கை சூழலில் தான் தங்கி விட்டதாகவும் தன்னை இனிமேல் பண்ணாரி மாரியம்மன் எனப் போற்றி வழிபட்டு வாருங்கள் எனவும் அருள்வாக்கில் கூறினார். அன்னையின் அருள்வாக்கின் படி அவ்விடத்தில் கணாங்குப் புற்கள் கொண்டு ஒரு குடில் அமைத்துக் கிராமிய முறைப்படி நாள்தோறும் பண்ணாரி அன்னையை வழிபட்டு வந்தனர். பின்பு ஊர் மக்களும் பெரியதனக்காரர்களும் அன்னையின் சிறப்புக் கருதி அன்னைக்கு விமானத்துடன் கூடிய சிறு கோயில் அமைத்து பத்மபீடத்துடன் திருவுருவம் அமைத்து வழிபட்டு வருகின்றனர்.

🌐

NRI & Diaspora Traveler's Guide

Recommended Hub: Madurai (IXM)

💡 Madurai Airport is ideal for southern temples, offering excellent connectivity via Colombo or Chennai.

From Trichy (TRZ) 192 km

From Chennai (MAA) 366 km

Regional Transit Tips:

🇸🇬 Singapore/Malaysia: Direct flights via AirAsia or Scoot to Madurai (IXM). Look for 'NRI Special Darshan' quotas if applicable.
🇸🇦 Middle East: Major carriers like Emirates and Air Arabia connect to Madurai (IXM) via Hubs. Pre-book 'Temple Cabs' for reliable airport pickup.
📜 Pro Tip: Carry your OCI/Passport copy. Many temples offer faster 'Special Entry' lanes for overseas devotees.

₹750

approx. 12.0 SGD / 40.5 MYR

🪔

விசேட தனி அனுமதி கட்டணம்

₹50

approx. 0.8 SGD / 2.7 MYR

📅 2023 Gallery

திருக்கோயில் முகப்பு மற்றும் தோற்றம் திருக்கோயில் முகப்பு மற்றும் தோற்றம்

திருவிளக்கு பூஜை திருவிளக்கு பூஜை - 05.02.2023

திருவிளக்கு பூஜை ஜனவரி-2023 ஜனவரி மாதம் நடைபெற்ற திருவிளக்கு பூஜையின் புகைப்படங்கள்.

கோபுரம் கருவரை விமானம் புகைப்படங்கள்