அருள்மிகு தேவிகருமாரியம்மன் திருக்கோயில், திருவேற்காடு - 600077

🙏 Available Pooja Services

🪔 தினசரி பிரசாதம் திட்டம் (இனிப்பு பொங்கல்) – ₹1400
🪔 தினசரி பிரசாதம் திட்டம் (கேசரி) – ₹1350
🪔 தினசரி பிரசாதம் திட்டம் (பொங்கல்) – ₹1090

View All Poojas

☀️ Best Time for Pilgrimage

Nov to Feb Cooler (22°C - 30°C)

Ideal for NRI travelers used to AC environments.

Major Festival Annual Brahmotsavam

Plan 6 months ahead for flight bookings from SG/MY/UAE.

கோயில் பற்றி

அருள்மிகு தேவி கருமாரியம்மன் திருக்கோயிலின் மூலதெய்வமான கருமாரியம்மன் கிழக்குப் பார்த்து அமர்ந்த நிலையில் காணப்படுகின்றார். கருவறை, அர்த்த மண்டபம், மகா மண்டபம், முன்மண்டபம் திருச்சுற்று வளாகம் ஆகிய அனைத்தும், தற்காலக் கட்டுமானங்களாகும். முதல் திருச்சுற்று தெய்வங்களாகத் திருக்கோயிலின் முன்புறம், கிழக்குத் திசை நோக்கி வலம்புரி விநாயகர் சன்னதியும், வடகிழக்கில் சீனிவாசப்பெருமாள் சன்னதியும், தென் கிழக்கில் நவக்கிரக சன்னதியும், வடமேற்கில் வேற்கண்ணியம்மன் சன்னதியும், வடக்கில் தென்திசை நோக்கி முருகன் சன்னதியும், மரச்சிலையம்மன் சன்னதியும் உள்ளன. இரண்டாம் திருச்சுற்று தெய்வங்களாகத், தெற்கில் தென்திசை கடவுளான தட்சிணாமூர்த்தி சன்னதியும், தென் மேற்கில் அங்காள பரமேஸ்வரி சன்னதியும், கிழக்குத் திசை நோக்கி பிரத்தியங்கரா தேவி சன்னதியும், ஏழு அம்மன் சன்னதியும்,வள்ளி தெய்வானையுடன்முருகன் சன்னதியும், வடக்குத் திசை நோக்கி துர்க்கை சன்னதியும், தென்திசை நோக்கி பைரவர் சன்னதியும் அமைந்துள்ளன. திருக்கோயிலின் கிழக்குப்புறத்தில் ஐந்து நிலை இராஜகோபுரம் அமைந்துள்ளது. இதன் எதிரில் திருநீற்றுப்பொய்கை எனப்படும் திருக்குளம் அமைந்துள்ளது. கோயிலின் வடகிழக்கில்...

தல வரலாறு

தொண்டை மண்டலத்தில் காடு என விகுதியுடன் முடியும் தலங்களில் சிறப்புமிக்க தலம் திருவேற்காடு. தொண்டை மண்டலத்தில் உள்ள பாடல் பெற்ற தலங்களில் திருவேற்காடு 23வது தலமாகும். நாயன்மார்களில் மூர்க்க நாயனார் அவதரித்த ஊர் திருவேற்காடு என்பதும் குறிப்பிடத்தக்கதாகும். வெள்வேல் மரங்கள் மிகுந்த பகுதி என்பதால் இப்பெயர் பெற்றது. இவ்வூர் சென்னைக்கு மேற்குத் திசையில் 18 கி.மீ தொலைவில் உள்ளது. திருவேற்காடு சங்ககாலத்தில் மிகச்சிறந்த வணிக நகரமாக இருந்துள்ளது என்பதை இங்குத் தொல்லியல்துறையினரால் நடத்தப்பட்ட அகழாய்வுகள் தெரிவிக்கின்றன. அம்போரா ஜாடிகள் எனப்படும் உரோமாபுரி மதுக்குடுவைகள் அமைப்பில் உள்ளூர் மக்களால் செய்யப்பட்ட குடுவைகள் இவ்வகழாய்வில் கிடைத்துள்ளதால் இவ்வூரின் தொன்மை உறுதிப்படுத்தப்படுகிறது. இவ்வூரில் அமைந்துள்ள தூங்கானை மாடக்கோயிலான பாலாம்பிகை உடனுறை வேதபுரீஸ்வரர் திருக்கோயில் கல்வெட்டுகளில் மிகுந்து பேசப்படுகிறது....
தொண்டை மண்டலத்தில் காடு என விகுதியுடன் முடியும் தலங்களில் சிறப்புமிக்க தலம் திருவேற்காடு. தொண்டை மண்டலத்தில் உள்ள பாடல் பெற்ற தலங்களில் திருவேற்காடு 23வது தலமாகும். நாயன்மார்களில் மூர்க்க... நாயனார் அவதரித்த ஊர் திருவேற்காடு என்பதும் குறிப்பிடத்தக்கதாகும். வெள்வேல் மரங்கள் மிகுந்த பகுதி என்பதால் இப்பெயர் பெற்றது. இவ்வூர் சென்னைக்கு மேற்குத் திசையில் 18 கி.மீ தொலைவில் உள்ளது. திருவேற்காடு சங்ககாலத்தில் மிகச்சிறந்த வணிக நகரமாக இருந்துள்ளது என்பதை இங்குத் தொல்லியல்துறையினரால் நடத்தப்பட்ட அகழாய்வுகள் தெரிவிக்கின்றன. அம்போரா ஜாடிகள் எனப்படும் உரோமாபுரி மதுக்குடுவைகள் அமைப்பில் உள்ளூர் மக்களால் செய்யப்பட்ட குடுவைகள் இவ்வகழாய்வில் கிடைத்துள்ளதால் இவ்வூரின் தொன்மை உறுதிப்படுத்தப்படுகிறது. இவ்வூரில் அமைந்துள்ள தூங்கானை மாடக்கோயிலான பாலாம்பிகை உடனுறை வேதபுரீஸ்வரர் திருக்கோயில் கல்வெட்டுகளில் மிகுந்து பேசப்படுகிறது. இக்கோயிலின் கல்வெட்டுக்கள் இந்தியத்தொல்லியல் துறையின் 1958 1959ம் ஆண்டு கல்வெட்டு ஆண்டு அறிக்கையிலும், தமிழ்நாடு அரசு வெளியீடான சென்னை மாநகர் கல்வெட்டுக்கள் நூலிலும் வெளியிடப்பட்டுள்ளன. இக்கோயிலின் கருவறையில் உள்ள சோமாஸ்கந்தர் சிற்ப உருவம் இத்திருக்கோயிலின் தொன்மைக்குச் சான்றாகும். மேலும் திருவேற்காட்டில் அமைந்துள்ள தேவாரப் பாடல்பெற்ற மேற்படி திருத்தலத்தின் தூணில் தேவி கருமாரியம்மன் அமர்ந்த கோலத்தில் இருப்பதுடன், அகிலமெல்லாம் பக்தர்களைக் காத்து அருள்புரியும் அன்னையாகத் தனித்து, மேல் இரு கரங்களில் டமருகம், திரிசூலமும், கீழ் இரு கரங்களில் கட்கம் கபாலம் ஏந்தி பத்ம பீடத்தின் மீது அமர்ந்த நிலையிலும் ஜுவாலை மகுடத்துடன் சிரசு அம்மனாகவும், கோயில் கொண்டிக்கிறார். அருள்மிகு தேவி கருமாரியம்மன் திருக்கோயில், மிகச்சிறப்புப்பெற்ற சக்தி தலமாக இன்று புகழ்பெற்று விளங்கி வருகிறது. தமிழகம் தாய்தெய்வ வழிபாட்டின் சிறப்பிடமாகத் தொன்றுதொட்டு விளங்கிவரும் பகுதியாகும். சாக்தம் என்ப்படும் தாய் தெய்வ வழிபாடு தமிழகத்தில் பல்வேறு இடங்களில் காணப்படுகின்றன. அத்தகைய வரிசையில் திருவேற்காடு தேவி கருமாரியம்மன் திருக்கோயில் புகழ் பெற்ற சக்தி தலமாகும். இத்தலத்து அம்மனுக்கு நாள்தோறும் ஆறு கால பூஜைகள் நடைபெற்று வருகிறது. அயல்நாடு, அண்டைமாநில மற்றும் தமிழ்நாட்டில் தொலைதூரப்பிராயணயத்தின் மூலம் வருகை தரும் பக்தர்கள் அம்மனை வழிபட ஏதுவாக நாள் தோறும் காலை 5.00 மணி முதல் இரவு 9.00 மணி வரை நடைசாற்றப்படாமல் இருப்பது திருவேற்காடு தலத்தின் சிறப்பாகும் . அருள்மிகு தேவி கருமாரியம்மன் திருக்கோயிலின் மூலதெய்வமான கருமாரியம்மன் கிழக்குப் பார்த்து அமர்ந்த நிலையில் காணப்படுகின்றாள். கருவறை, அர்த்த மண்டபம், மகா மண்டபம், முன்மண்டபம் திருச்சுற்று வளாகம் ஆகிய அனைத்தும், தற்காலக் கட்டுமானங்களாகும். முதல் திருச்சுற்று தெய்வங்களாகத் திருக்கோயிலின் முன்புறம், கிழக்குத் திசை நோக்கி வலம்புரி விநாயகர் சன்னதியும், வடகிழக்கில் சீனிவாசப்பெருமாள் சன்னதியும், தென் கிழக்கில் நவக்கிரக சன்னதியும், வடமேற்கில் வேற்கண்ணியம்மன் சன்னதியும், வடக்கில் தென்திசை நோக்கி முருகன் சன்னதியும், மரச்சிலையம்மன் சன்னதியும் உள்ளன. இரண்டாம் திருச்சுற்று தெய்வங்களாகத், தெற்கில் தென்திசை கடவுளான தட்சிணாமூர்த்தி சன்னதியும், தென் மேற்கில் அங்காள பரமேஸ்வரி சன்னதியும், கிழக்குத் திசை நோக்கி பிரத்தியங்கரா தேவி சன்னதியும், ஏழு அம்மன் சன்னதியும்,வள்ளி தெய்வானையுடன்முருகன் சன்னதியும், வடக்குத் திசை நோக்கி துர்க்கை சன்னதியும், தென்திசை நோக்கி பைரவர் சன்னதியும் அமைந்துள்ளன. திருக்கோயிலின் கிழக்குப்புறத்தில் ஐந்து நிலை இராஜகோபுரம் அமைந்துள்ளது. இதன் எதிரில் திருநீற்றுப்பொய்கை எனப்படும் திருக்குளம் அமைந்துள்ளது. கோயிலின் வடகிழக்கில் புற்றுக்கோயில் உள்ளது. இரண்டு திருச்சுற்றுடன் கூடிய திருக்கோயிலாகும். அடியவர்களுக்கு ஏற்ற வகையில் பல்வேறு வசதிகளை உள்ளடக்கிய திருக்கோயிலாகும். தல வரலாறு பிரளயத்தின் யுகமுடிவில் வெள்ளம் பெருகி உலகை மூழ்கவைத்தப்பின் சிவபெருமான் மீண்டும் உலகைப் படைக்க எண்ணினார். வெள்ளம் வற்றியப்பின் வேதங்களைக் குறிப்பிட்ட இடத்தில் மரங்களாக உருவாக்கினார். அவற்றின் அடியில் லிங்கம் தோன்றியது. லிங்கத்துடன் அன்னையும் தோன்றினாள் அன்னையின் அருளால் மீண்டும் தேவர்களும், மும்முர்த்திகளும் தோன்றினர். மீண்டும் அகில அண்ட இயக்கம் ஆரம்பமானது. இவ்வாறு வெள்வேல மரமும், அதனடியில் லிங்கமும், அன்னையும் தோன்றிய இடம் திருவேற்காடு. தேவர்கள் தோன்றிய அவ்விடத்தின் ஒரு பகுதி தேவர் கண்ட மடு என்று அழைக்கப்பட்டது. இந்த வேற்காடு பாலி ஆற்றின் கரையில் அமைந்துள்ளது. அருட்கவி கருமாரிதாசர் தனது பாடலில் கீழ்க்கண்டவாறு குறிப்பிட்டுள்ளார் அன்னை கருமாரி கலியுகத்திலே கண்கண்ட தெய்வம் மஞ்சளால் மகிமை புரிபவள் , எலுமிச்சம் பழத்திலே அதிசயம் காட்டுபவள், வேப்பிலை தன்னிலே வெப்புநோய் தணிப்பவள் , சாம்பலிலே உயிர்காப்பவள் எண்ணும் எழுத்தும் இருககரமாய்க் கொண்டவள் பண்ணைப் பாடும்போது பூரிப்பவள் பரதத்தை ஆடும்போது புன்னகைப்பவள் பைந்தமிழ் கேட்டு இன்புறுபவள் நண்ணும்போது நயந்து அருள்பவள் விண்ணும் மண்ணும் வாழ்த்திடும் வித்தகி திருவேற்காட்டு வேற்கண்ணி எண்ணும் எழுத்தும் இருக்கையாய்க் கொண்டிடும் ஏந்திழையே பண்ணும் பரதமும் பைந்தமிழ்ப் பாடலும் பாடிடவே நண்ணும் பொழுதில் நயந்தருள் செய்கரு மாரியளே விண்ணும் உலகமும் வாழ்ந்திடும் வித்தகி வேற்கண்ணியே திருக்கோயில் திருவிழாக்கள் விவரம் 1.தைமாத பிரம்மோற்சவம் 2.தைப்பூசம் மற்றும் சித்ரா பௌர்ணமி இலட்சார்ச்சனை விழா 3.மாசிமகத் திருவிழா 4.ஆடிப்பெருவிழா 5.நவராத்திரி விழா 6.கந்தர்சஷ்டி விழா 7.தனுர் மாத பூஜை 8.ஆங்கிலப்புத்தாண்டு மற்றும் தமிழ்ப்புத்தாண்டு சிறப்பு பூஜைகள் திருவேற்காடு சிறப்புகள் 1.அரவம் தீண்டி மரணம் நிகழா திருத்தலம் பாலி ஆற்றின் கரையில் அமைந்துள்ள திருவேற்காடு. 2.ஆதவனுக்கு அருளிய அன்னை வீற்றிருக்கும் திருத்தலம் திருவேற்காடு. 3.அம்மையப்பன் அகத்தியருக்குத் திருமணக்கோலம் காட்சியளித்த திருத்தலம் திருவேற்காடு. 4.நாயன்மார்களுள் மூர்க்க நாயனார் அவதரித்த திருத்தலம் திருவேற்காடு. 5.கந்தவேல் கருமாரி அன்னையினைத் தொழுது, பணிந்து, அவரது திருக்கரத்தால் பெற்ற வேலால் உருவாக்கிய வேலாயுத தீர்த்தம் அமைந்துள்ள திருத்தலம் திருவேற்காடு. 6.திருநீற்றுப்பொய்கை அமைந்துள்ள திருத்தலம் திருவேற்காடு. 7.கருமாரி அகமகிழ்ந்திட, தங்கையுடன் மாலவன் அருள்மிகு திருமலை ஸ்ரீனிவாசப்பெருமாள் எழுந்தருளியுள்ள திருத்தலம் திருவேற்காடு. 8.நாகங்களுக்குப் பெருமை சேர்க்கும் நாகேஸ்வரியாக அன்னை கருமாரி உறையும் திருத்தலம் திருவேற்காடு. 9.நவக்கிரகங்களும், பாலிநதியில் நீராடி திருவேற்காட்டுக் கருமாரியைப் பணிந்து திருநீறு பெற்று மகிழ்ந்த திருத்தலம் திருவேற்காடு. 10.கேட்டவர்க்குக் கேட்டவரம் அளிக்கும் கருணை மாரியின் திருத்தலம் திருவேற்காடு. 11.பக்தர்களின் படையலைப் பரிவோடு ஏற்றுக்கொள்ளும் பராசக்தி உறையும் தலம் திருவேற்காடு

🌐

NRI & Diaspora Traveler's Guide

Recommended Hub: Chennai (MAA)

💡 Chennai is the primary international gateway with direct connections from Riyadh, Dubai, and Singapore.

From Trichy (TRZ) 299 km

From Chennai (MAA) 10 km

Regional Transit Tips:

🇸🇬 Singapore/Malaysia: Direct flights via AirAsia or Scoot to Chennai (MAA). Look for 'NRI Special Darshan' quotas if applicable.
🇸🇦 Middle East: Major carriers like Emirates and Air Arabia connect to Chennai (MAA) via Hubs. Pre-book 'Temple Cabs' for reliable airport pickup.
📜 Pro Tip: Carry your OCI/Passport copy. Many temples offer faster 'Special Entry' lanes for overseas devotees.

📍 Open in Google Maps 📲 Share with Family

பூஜை சேவைகள்

🪔

தினசரி பிரசாதம் திட்டம் (தயிர் சாதம்)

₹680

approx. 10.88 SGD / 36.72 MYR

🪔

தினசரி பிரசாதம் திட்டம் (கேசரி)

₹1350

approx. 21.6 SGD / 72.9 MYR

🪔

தினசரி பிரசாதம் திட்டம் (பொங்கல்)

₹1090

approx. 17.44 SGD / 58.86 MYR

🪔

தினசரி பிரசாதம் திட்டம் (இனிப்பு பொங்கல்)

₹1400

approx. 22.4 SGD / 75.6 MYR

📅 2022 Gallery

பயன்படுத்த இயலாத தங்க இனங்களை சுத்த தங்கக் கட்டிகளாக மாற்றும் பணி இத்திருக்கோயிலில் பயன்படுத்த இயலாத நிலையில் உள்ள பலமாற்று பொன் இனங்களை சுத்த தங்க கட்டிகளாக மாற்றும் பணிக்கு மாண்புமிகு இந்து சமய அறநிலையத்துறை அமைச்சர் தலைமையில் பாரத ஸ்டேட் வங்கியினரிடம் ஒப்படைக்கும் விழா

வணிகவளாகம் கட்டும் பணி வணிகவளாகம் கட்டும் பணி

பங்குனி உத்திரம் அருள்மிகு தேவி கருமாரியம்மன் திருக்கோயிலுடன் இணைந்து அருள்மிகு வேதபுரீஸ்வரர் திருக்கோயிலில் கடந்த 18.03.2022 அன்று நடைபெற்ற பங்குனி உத்திரம் திருக்கல்யாண வைபவம்

வள்ளலார் முப்பெரும் விழா சட்டமன்ற அறிவிப்பு எண் 2022-2023 , அறிவிப்பு எண் 22 வள்ளலார் பெருமானரின் முப்பெரும்விழா சிறப்பு குழுவின் நடவடிக்கைகளை செயல்படுத்தும் வகையில் மாண்புமிகு பால்வளத்துறை அமைச்சர் மற்றும் வள்ளலார் பெருமானரின் சன்மார்க்க நெறியாளர்கள் மற்றும் பொது மக்களுக்கு அன்னதானம் வழங்கப்பட்டது

📅 2018 Gallery

நவராத்திரி விழா நவராத்திரி திருவிழா