Arulmigu Aravinthalochanar Temple, Irattai Thirupathy - 628612

🙏 Available Pooja Services

🪔 திருமஞ்சனம் – ₹500
🪔 பொது நன்கொடை – ₹50
🪔 அன்னை தமிழில் அர்ச்சனை – ₹5

View All Poojas

☀️ Best Time for Pilgrimage

Nov to Feb Cooler (22°C - 30°C)

Ideal for NRI travelers used to AC environments.

Major Festival Annual Brahmotsavam

Plan 6 months ahead for flight bookings from SG/MY/UAE.

கோயில் பற்றி

பெருமாள்- அரவிந்தலோசனன் (செந்தாமரைக் கண்ணன்) தயார்- கருந்தடங்கண்ணி விமானம்- குமுத விமானம் தீர்த்தம்- வருண தீர்த்தம், கிழக்கே திருமுக மண்டலம் வீற்றிருந்த திருக்கோலம் இந்திரன், வாயு, வருணர்களுக்குப் ப்ரத்யஷம் ஆழ்வார் பாடல்- நம்மாழ்வார் மங்களாசாசனம் (திருவாய்மொழி 6ம் பத்து 5ம் திருவாய்மொழி) திவ்யதேச வைபவம் தேவர்பிரான் வைபவம் திருப்புளிங்குடி என்ற ஸ்தலத்திற்குத் தென்கிழக்கில் நெற்பயிர்களும், புஷ்பங்களும் நிறைந்து கேதார நிலையம் என்னும் திருப்பதி உண்டு. அதுவே, தொலைவில்லி மங்கலம் பெயரில் வழங்கப்பெறுகிறது. முன்பு ஒரு முனிவர் இருந்தார். அவர் ஆத்திரேய கோத்திரத்தில் உதித்தவர். சுப்பரபர் என்ற பெயருடைய அவர் இவ்விடம் வந்தவுடன் இதன் பொலிவை பார்த்து இங்கு ஒரு வேள்வி இயற்ற நிச்சயித்தார். யாகசாலைக்காக பூமியை உழுது பண்படுத்தினார். அங்விடத்தில் ஓர் தராசையும் ஒரு வில்லையும் கண்டு எக்காலத்தில் யாரால் இங்கு கொணரப்பட்டன என்று எண்ணித் தமது வலக்கையால் அவற்றை எடுத்தார். அவற்றுள் தராசு ஒரு பெண்ணாகவும், வில் ஒரு புருஷனாகவும்... சாபத்திலிருந்து விடுப்பட்டுத் தம்பதிகளாக விளங்கினர். அவர்களைப் பார்த்து சுப்ரபரும் மற்றுமுள்ள முனிவர்களும் நீங்கள் எவரது சாபத்தால் இங்வுருவங்கள் எய்தப் பெற்றீர்கள் என்று வினவினார் உடனே, இதற்குமுன் வில்லாயிருந்த புருஷன் அம்முனிவர்களைப் பார்த்து காம், வெகுளி, மயக்கம் என்ற மூன்றையும் வென்ற முனிவர்களே முற்பிறவியல் நான் வித்யாதரன் என்ற ஓர் தேவனாயிருந்தேன். இவள் என் பத்தினி, நான் இவளிடத்தில் மோகம் கொண்டு திகம்பரனாயிருந்த சமயத்தில் யாத்ரா மார்க்கமாகப் போகும்பொழுது குபேரன் பார்த்து விட்டான். மிகுந்த கோபத்தினால் எங்களிருவரையும் வில்லாகவும், தராசாகவும் போகும்படி சபித்தான். மேலும் அவர் எங்களைப் பார்த்து நவநிதிக்கு அதிபனும், லோகபாலனுமான என்னை அவமதித்ததற்கு உங்களுக்கு இது தகும் என்று கூறிப்போனான். பிறகு நான் குபேரனை வணங்க எங்களது சாப விமோசனத்தைக் கூறினான். குபேரன் கேதாரம் என்ற ஸ்தலத்தில் நீ வில்லாகவும் உனது பத்தினி தராசாகவும் பூமிக்குள் அழுந்தியிருக்க வேண்டும். வெகு காலத்திற்குப்பின் சுப்ரபர் என்ற ரிஷி எங்கும் தமது யாகம் சித்தியாகாமல் முடிவில் இங்கே வந்து சேர்வார். யாகத்துக்காக பூமியை உழுவார். உடனே நீங்கள் சாபம் நீங்கப்பெறுவீர் எனக்கூறிப்போயினார் அன்று முதல் நாங்கள் இருவரும் இவ்விடத்தில் இருக்கிறோம். உங்கள் கைப்பட்ட மாத்திரத்தில் சாபம் நீங்கப் பெற்றோம் என்றனர். முனிவர்கள் யாகத்தை பூர்த்தி செய்து விஷ்ணுவை ஆராதித்தனர். அங்கு ஆவிர்பவித்த தேவபிரான் தேவரீர் இந்த யாகசாலையில் தேவர்பிரான் என்ற பெயருடன் எழுந்தருளியிருந்து பக்தர்களுக்க அருள்புரிய வேண்டும். இங்கு துலையும் வில்லும் முக்தியடைந்தபடியாலும், இங்கு யாவருக்கும் மங்களம் உண்டாகிற படியாலும் இங்விடம் துலைவில்லி மங்கலம் என்ற பெயருள்ளதாகயிருக்க வேண்டும். என்று பிராத்தித்தனர். ஆத்ரேயசுப்ரபருடைய பிராத்தனையை அங்கீகரித்தான் அயர்வறு அமரர்கள் அதிபதி. ஸ்ரீ அரவிந்தலோசனர் மகிமை மேலே கூறப்பட்ட சுப்ரபர் ரிஷி பிரதி தினமும் தேவர்பிரான் சந்நிதிக்கு வடதிசையிலுள்ள பொய்கைக்கு சென்று அங்குள்ள தாமரைப் பூக்களைப் பறித்து மாலையாகத் தொடுத்து பெருமாளை அணியச் செய்து மகிழ்வித்து வந்தார். இதனால் திருவுள்ளம் மகிழ்ந்த தேவர்பிரான், சுப்ரபர் எங்கிருந்து இந்த மலர்மாலைகளைக் கொணர்ந்து அணிவிக்கிறார் என்பதை அறிய அவாக் கொண்டு வழக்கம் போல் ரிஷி பொய்கைக்குச் செல்ல தேவர்பிரான் பின் தொடர்ந்தார். பொய்கையின் பொலிவில் களிப்புற்ற தேவர்பிரான் முன்சிரேஷ்டரே இவ்விடம் குளிர்ச்சி மிகுந்ததாயும் மலர்கள் நிரம்பியதாகவும் இருக்கிறது. இங்குள்ள புஷ்ப மரங்களின் மீது மலய மலையிலிருந்து வருகின்ற இளந்தென்றல் தவழ்கிறது. இப்பொய்கையின் கரையில் வாசம் செய்கிறேன் . உம்முடைய யாகசாலையில் தேவநாதனாகவும் இந்தப் பத்மாகர தாடகத்தில் அரவிந்த லோசனனாகவும் வசிக்க போகிறேன் என்ற வரத்தையும் கொடுக்கிறேன். இதற்கு முன் கீதையில் உபதேசித்தப்படி பிருந்தவனத்திலும், தாமரை பொய்கையிலும், ஸ்ரீ வைஷ்ணவர்களிடத்திலும் எப்பொழுதும் வாசம் செய்கின்றேன். ஆகையால் நாடோறும் நீர் தடாகக் கரையிலிருக்கிற என்னையும் எனக்குத் தெற்கிலுள்ள தேவர்பிரானையும் தாமரை மலர்களால் அர்ச்சிப்பீர்களாக என்று திருவாய் மலர்ந்தருளினார். சுப்ரபர் இரட்டைத் திருப்பதியிலுள்ள இரண்டு பெருமாள்களுக்கும் தாமரைப் பூக்களால் அர்ச்சித்து வந்து நற்கதியடைந்தார். அரவிந்த லோசனர் அச்வினி தேவர்களுக்கு அளித்த வரம் அச்வினி தேவர்கள் உனப்படுவோர் இருவர். அவர்கள் வைத்யம் செய்பவர்கள். அவர்கள் பிரமனிடம் சென்று எங்களுக்கும் எல்லா வேள்விகளிலும் மற்ற தேவர்களைப் போல் ஹவிர்ப்பாகம் (பங்கு) கொடுக்கும்படி அருள்புரிய வேண்டும் என்றனர், பிரமன் ஜனங்களுக்கு வைத்யம் புரிபவர்கள் தர்மத்தினின்று நழுவினவர்கள் என்று முனிவர்கள் மொழிவதால் யாகத்தில் ஹவிர்ப்பாகம் பெற விருப்பமுடைய நீங்கள் இருவரும் பூவுலகுக்குச் சென்று துலைவில்லிமங்கலம் என்ற திருப்பதியிலுள்ள தேவர்பிரான் அரவிந்தலோசனர் என்ற இருமூர்த்திகளையும் வணங்கி வழிபடுங்கள். அருந்தவம் இயற்றினால் அருள் கிட்டும்.

தல வரலாறு

தினந்தோறும் தேவர்பிரானுக்கு தாமரை மலர் கொண்டு வழிபாடு செய்து வந்தார் சுப்ரரர். இத்தகைய அழகு வாய்ந்த மலர்களை சுப்ரரர் எங்கிருந்து கொணர்கிறார் என்றறிய பெருமாள், சுப்ரரர் தாமரை மலர்களை தடாகத்தில் இருந்து எடுக்கவரும் போது பின்தொடர்ந்து வரவே, சுப்ரரர் காரணம் வினவினார். செந்தாமரை மலர்கள் கொண்டு செய்த வழிபாட்டில் மயங்கி வந்ததாகவும் அங்கேயே தமக்கு ஓர் ஆலயம் எழுப்பவும் கூறினார் பெருமாள்.
இத்திருத்தலம் இரட்டைத் திருப்பதியில் வடக்கு திருக்கோயில்.கேது அம்சம் திருக்கோயில்.

🌐

NRI & Diaspora Traveler's Guide

Recommended Hub: Madurai (IXM)

💡 Madurai Airport is ideal for southern temples, offering excellent connectivity via Colombo or Chennai.

From Trichy (TRZ) 253 km

From Chennai (MAA) 543 km

Regional Transit Tips:

🇸🇬 Singapore/Malaysia: Direct flights via AirAsia or Scoot to Madurai (IXM). Look for 'NRI Special Darshan' quotas if applicable.
🇸🇦 Middle East: Major carriers like Emirates and Air Arabia connect to Madurai (IXM) via Hubs. Pre-book 'Temple Cabs' for reliable airport pickup.
📜 Pro Tip: Carry your OCI/Passport copy. Many temples offer faster 'Special Entry' lanes for overseas devotees.

📍 Open in Google Maps 📲 Share with Family

பூஜை சேவைகள்

🪔

அன்னை தமிழில் அர்ச்சனை

₹5

approx. 0.08 SGD / 0.27 MYR

🪔

அர்ச்சனை

₹5

approx. 0.08 SGD / 0.27 MYR

🪔

பொது நன்கொடை

₹50

approx. 0.8 SGD / 2.7 MYR

🪔

நீராஞ்சனம்

₹5

approx. 0.08 SGD / 0.27 MYR

🪔

திருமஞ்சனம்

₹500

approx. 8.0 SGD / 27.0 MYR

📅 2023 Gallery

கோவில் திருவிழா புகைப்படங்கள் கோவில் திருவிழா புகைப்படங்கள்