பரிகாரம்
அகத்தியரின் சீடரான ரோமச முனிவர் தாமிரபரணி நதிக்கரையில் பல இடங்களில் லிங்க பிரதிஷ்டை செய்யவும், அதற்கான இடங்களை தேர்ந்தெடுத்து தருமாறும் குருவிடம் கேட்டார். சிவனுக்கு பூஜை செய்த தாமரைமலர்களை தாமிரபரணியில் வீசும்படியும், அவை எங்கெல்லாம் கரை ஒதுங்குகிறதோ அங்கெல்லாம் லிங்க பிரதிஷ்டை செய்யும்படியும் அகத்தியர் கூறினார். அதன்படி ரோமசர் தாமரை மலர்களை நீரில் விட, 9 பூக்கள் 9 இடங்களில் கரை ஒதுங்கின. இந்த இடங்களில் எல்லாம் சிவலிங்க பிரதிஷ்டை செய்தார் ரோமசர். இவை நவ கைலாய தலங்கள் எனப்பட்டன. நவக்கிரகங்கள் ஒன்பது என்பதால் ஒவ்வொரு கிரகத்திற்கும் ஒவ்வொரு இடம் ஒதுக்கப்பட்டது. நவகைலாயங்களில் முதல் தலமான பாபநாசம் முதல் கிரகமான சூரியனுக்குரியதானது. சூரிய தலம் என்றும் சூரிய கைலாயம் என்றும் போற்றப்படுகிறது. வியாக்ரபாதர், பதஞ்சலி ஆகியோருக்கு ஒரு தைப்பூசத்தன்று நடராஜர் நந்தியின் கொம்புகளுக்கு இடையே நின்று நடன தரிசனம் தந்தார். எனவே இங்கு தைப்பூசத்தில் நந்திக்கு சந்தனக்காப்பு செய்து சிறப்பு பூஜைகள் நடக்கிறது. அம்பாள் உலகம்மை சந்நிதி முன்பு ஒரு உரல் இருக்கிறது. இதில் பெண்கள் விரலி மஞ்சளை இட்டு அதனை இடிக்கின்றனர். இந்த மஞ்சளாலேயே அம்பாளுக்கு அபிஷேகங்கள் நடக்கிறது. அபிஷேகிக்கப்படும் மஞ்சள் தீர்த்தத்தை சிறிது அருந்தினால், திருமண, புத்திர பாக்கியங்கள் கிடைக்கும், பெண்கள் தீர்க்க சுமங்கலியாக இருப்பர் என்பதாக நம்புகின்றனர். கிரக ரீதியாகவோ, ஜாதக ரீதியாகவோ குழந்தைகளுக்கு தோஷம் இருந்தால் அவர்களை இறைவனுக்கு தத்து கொடுத்து வாங்க உகந்த ஸ்தலம் இது.

அன்னதானம் : அருள்மிகு பாபநாச சுவாமி திருகோயில் பாபநாசத்தில் உச்சிகல பூஜைக்குப் பிறகு 2011 ம் ஆண்டு முதல் தினசரி 100 பக்தர்களுக்கு `அன்னதானம்` நடைபெற்று வருகிறது. 100 பக்தர்களுக்கு அன்னதானம் வழங்க தினசரி ரூ .3000 / - செலவிடப்படுகிறது. இந்த தொகை பக்தர்களிடமிருந்து நன்கொடையாக பெற்று, மேலும் அவர்கள் பெயரில் பக்தர்களுக்கு இதை செயல்படுத்தப்பட்டு வருகிறது. . எனவே ஆர்வமுள்ள பக்தர்கள் மற்றும் நன்கொடையாளர்கள் ரூ .30,000 நன்கொடை செலுத்தி . மேலே கூறப்பட்ட தொகை வங்கியில் டெபாசிட் செய்யப்படும் மற்றும் வட்டியில் இருந்து கட்டலை வாழ்நாள் முழுவதும் செய்யப்படும். இந்த திட்டத்தில் சேர ஆர்வமுள்ளவர்கள் ரூ .30000 மற்றும் முதல் ஆண்டு செலவுகளுக்கு ரூ .3000 செலுத்தி ரசீது பெற்றுகொள்ள கேட்டுக்கொள்கிறோம். நிர்வாகி அருள்மிகு பாபநாச சுவாமி திருகோயில், பாபநாசம் -627 425. முகவரிக்கு அனுப்பப்பட்ட காசோலை / டி.டி. மூலம் அனுப்ப கேட்டுக்கொள்கிறோம்
திருப்பணி : -