அஞ்சல் வழி பிரசாதம் : பக்தர்கள் பயன்பெறும் வகையில் அஞ்சல் வழி பிரசாதம் நடை முறைப்படுத்தப்பட்டு ஆன் லைன் மூலமாக பெறும் வகையில் வசதி ஏற்படுத்தப்பட்டுள்ளது.
கழிவறை வசதி : இத்திருக்கோயிலில் பக்தர்களுக்கு தேவையான அடிப்படை வசதியான நவீன கழிவறை வசதி திருக்கோயிலின் வடமேற்கு மூலையில் உள்ளது.
குடிநீர் வசதி (ஆர்.ஓ) : இத்திருக்கோயிலில் பக்தர்களுக்கு 1) அன்னதானம் மண்டபம் அருகில் 2) வெளிபிரகார மண்டபத்தில் தங்கத்தேர் அறை முன்பும் சுத்தீகரிக்கப்பட்ட குடிநீர் வசதி ஏற்படுத்தப்பட்டுள்ளது.
தங்கத் தேர் : பக்தர்கள் தாங்கள் விரும்பும் நாட்களில் வேண்டுதலை நிறைவேற்ற தங்கரத உலா கட்டணம் ரூ.2௦௦௦/- செலுத்தி மாலை 7.15 மணிக்கு தங்கரதம் வடம்பிடித்து வேண்டுதலை நிறைவேற்றிக் கொள்ளலாம்.
காலணிகளை இலவசமாக பாதுகாக்குமிடம் : இத்திருக்கோயில் நுழைவாயிலின் வடக்குபுறம் பக்தர்களின் வசதிக்காக இலவச மிதியடி பாதுகாப்பு மையம் செயல்படுகிறது.
சக்கர நாற்காலி : மூத்த குடிமக்கள் மற்றும் மாற்று திறனாளிகளின் வசதிக்காக திருக்கோயில் வளாகத்திற்குள் சக்கர நாற்காலி சேவை வழங்கப்படுகிறது.
குளியல் அறை வசதி : இத்திருக்கோயிலில் பக்தர்களுக்கு தேவையான அடிப்படை வசதியான குளியலறை திருக்கோயிலின் வடமேற்கு மூலையில் உள்ளது.
நூலக வசதி : இந்து சமயம் சார்ந்த மற்றும் திருகோயில் வரலாற்று புத்தகம் உள்ளது

நன்கொடை : பக்தர்கள் தங்களது நன்கொடைகளை ஆன்லைன் மூலமாகவும் அல்லது வங்கி வரைவோலை, காசோலைகளாக, உதவி ஆணையர்/செயல் அலுவலர், அருள்மிகு விநாயகர் திருக்கோயில், ஈச்சனாரி, கோயம்புத்தூர் என்ற முகவரிக்கு அனுப்பிவைக்கலாம்.
அன்னதானம் : இத்திருக்கோயிலில் கடந்த 23.03.2002-ம் தேதி முதல் அன்னதானத் திட்டம் தொடங்கப்பட்டு, நாள் தோறும் மிகச் சிறப்பாக செயல்பட்டு வருகிறது. இத்திட்டத்தில் தற்பொழுது நாள் ஒன்றுக்கு 200 பயனாளிகள் உணவருந்தி வருகின்றனர். நாள் ஒன்றுக்கு இத்திட்டத்திற்கு ரூ.7,000/- செலுத்தி பக்தர்கள் தாங்கள் விருப்பப்பட்ட நாட்களில் அன்னதானத்தில் பங்கு கொள்ளலாம்.அன்னதானம் நன்கொடை செலுத்துபவர்களுக்கு வருமான வரி விலக்கு 80ஜி உண்டு.