புராதனம்
சங்க இலக்கியங்களில் பொதிகைமலை பற்றிய செய்திகள் காணப்படுவதாலும், குற்றால நகர் சங்க கால நகரங்களில் ஒன்றாகக் கணக்கிடப்பட்டு ஆய் ஆண்டிரன் ஆட்சிக்குட்பட்டிருந்ததாலும், சோழமன்னன் கோச்செங்காணனால் தல விருட்சம் உருவாக்கப்பட்டிருப்பதாலும் திருக்குற்றாலநாதர் கோயில் வழிபாடு சங்க காலத்தில் இருந்தது எனக் கருத முடிகிறது. பல்லவர் காலத்தில் கபிலரால் எழுதப்பட்ட சிவ பெருமான் திருவந்தாதி என்னும் நூலில், கோகரணங் குற்றாலம் கூற்றின் பொருள் முயன்ற குற்றாலம் மற்றும் கொழுந்தேன் கமழ் சோலைக் குற்றாலம் என்று குற்றால நகரின் பெருமையும் குற்றாலநாதரின் சிறப்பும் வெளிப்படுவதால் அக்காலத்தில் குற்றாலமும் குற்றாலநாதர் கோயிலும் பெருமையுடன் விளங்கியிருத்தல் வேண்டும்.

குடிநீர் வசதி (ஆர்.ஓ) : இத்திருக்கோயிலுக்குச் சொந்தமான சன்னதி தெரு, கீழரதவீதி, அன்னதானகூடம், திருக்கோயில் வடக்கு மற்றும் தெற்கு வெளிப்பிரகாரம் போன்ற இடங்களில் பொதுமக்கள் பயன்பாட்டிற்காக குடிநீர் வசதி ஏற்படுத்தப்பட்டுள்ளது
உடை மாற்றும் அறை : குற்றாலம் பேரவியின் அருகில் சுற்றுலா பயணிகள் வசதிக்காக பெண்கள் உடைமாற்றும் அறை மற்றும் சாமான்கள் பாதுகாப்பு அறை ஏற்படுத்தப்பட்டுள்ளது.
கல்யாண மண்டபம் : இத்திருக்கோயிலுக்குச் சொந்தமான ஸ்ரீ ராஜ ராஜேஸ்வரி திருமண மண்டபம் கீழரத வீதியில் அமைந்துள்ளது
காலணிகளை இலவசமாக பாதுகாக்குமிடம் : திருக்கோயில் பிரதான சாலையின் தெற்கு பகுதியில் பக்தர்களின் வசதிக்காக இலவசமாக காலணி வைக்குமிடம் அமைக்கப்பட்டுள்ளது.
கழிவறை வசதி : திருக்கோயிலுக்குச் சொந்தமான ரத வீதிகள் மற்றும் சன்னதி தெருவில் 29 இலவச கழிப்பறை கட்டப்பட்டு பொதுமக்கள் பயன்பாட்டில் உள்ளன.
சக்கர நாற்காலி : இத்திருக்கோயிலுக்கு வருகை தரும் மாற்றுதிறனாளிகள் மற்றும் மூத்த குடிமக்கள் எளிதாக சுவாமி தரிசனம் செய்வதற்கும் 1 சக்கர நாற்காலிகள் பயன்படுத்தப்பட்டு வருகிறது
நூலக வசதி : பக்தர்கள் பயன்பாட்டிற்காக திருக்கோயிலுக்குள் நுாலகம் உள்ளது.
தங்குமிட வசதி : திருக்கோயிலுக்குச் சொந்தமான சன்னதி தெருவில் தென்றல் பவனம் விடுதி உள்ளது.
தங்குமிட வசதி : திருக்கோயிலுக்குச் சொந்தமான மேலரதவீதியில் பக்தர்கள் தங்கும் விடுதி உள்ளது.