📜 தல வரலாறு மற்றும் சிறப்பு (History & Special Info)

வரலாற்று தகவல் (Historical Information):

பாடல் பெற்றது : வள்ளலார்
விமானம் வகை : இதர விமானம்
எந்த நூற்றாண்டை சேர்ந்தது : 19th நூற்றாண்டு
பாரம்பரிய கோயிலா : Yes
பாடல் / கவிதை : திருஅருட்பா அருட்பெருஞ் ஜோதி யருட்பெருஞ் ஜோதி அருட்பெருஞ் ஜோதி யருட்பெருஞ் ஜோதி அருட்சிவ நெறிசா ரருட்பெரு நிலைவாழ் அருட்சிவ பதியா மருட்பெருஞ் ஜோதி ஆகம முடிமேல் ஆரண முடிமேல் ஆகநின் றோங்கிய வருட்பெருஞ் ஜோதி இகநிலைப் பொருளாய்ப் பரநிலைப் பொருளாய் அகமறப் பொருந்திய வருட்பெருஞ் ஜோதி ஈனமின் றிகபரத் திரண்டின்மேற் பொருளாய் ஆனலின் றோங்கிய வருட்பெருஞ் ஜோதி வாமஜோதி சோமஜோதி வானஜோதி ஞானஜோதி மாகஜோதி யோகஜோதி வாதஜோதி நாதஜோதி ஏமஜோதி வியோமஜோதி ஏறுஜோதி வீறுஜோதி ஏகஜோதி ஏகஜோதி ஏகஜோதி ஏகஜோதி

தல சிறப்பு (Thiruthala Special):

இதர வகை
கடவுளை அருட்பெருஞ்ஜோதி வடிவில் கண்ட பெருமானார் அருட்பெருஞ்ஜோதி வழிபாட்டிற்கென வடலூரில் சத்திய ஞானசபையை நிறுவினார்கள். 1871 ம் ஆண்டில் சத்திய ஞானசபை கட்டத் தொடங்கப்பட்டது. 1872 ம் ஆண்டு தை மாதம் வியாழக்கிழமை பூச நன்நாளில் முதன் முதலாக ஞானசபையில் வழிபாடு தொடங்கப் பெற்றது. பிரதி தைப்பூசம் தோறும் ஏழு திரைகள் நீக்கி ஜோதி தரிசனம் நடைபெறுகிறது. பிரதி மாதப்பூசம் தோறும் ஆறு திரைகள் நீக்கி ஜோதி தரிசனம் நடைபெறுகிறது. பெருமானார் திருக்கரத்தால் ஏற்றிய அணையா தீபம் வழிபாட்டில் உள்ளது. உலகில் எங்குமில்லாத அமைப்பாக சத்திய ஞானசபையில் சாதி மத இனம் மொழி நாடு போன்ற எந்தவித பாகுபாடுமின்றி அனைத்து மக்களும் வழிபடுகின்றனர்.

🛠️ வசதிகள் (Facilities)

சக்கர நாற்காலி : சத்திய ஞானசபை உட்புறத்தில் நுழைவு வாயிலில் மாற்றுத்திறனாளிகள் தரிசனம் செய்ய ஏதுவாக 1 சக்கர நாற்காலி உள்ளது.
குளியல் அறை வசதி : குளியலறை வசதிகள் ஞானசபை மேற்கு பகுதி தருமச்சாலை கல்பட்டு அய்யா சன்னதி படிப்பகம் மற்றும் தங்கும் விடுதியில் அமைந்துள்ளது.
கழிவறை வசதி : கழிவறை வசதி
காலணிகளை இலவசமாக பாதுகாக்குமிடம் : இலவச காலணி பாதுகாப்பு மையம் ஞானசபை மற்றும் தருமச்சாலையில் உள்ளது
குடிநீர் வசதி (ஆர்.ஓ) : சுத்திகரிக்கப்பட்ட குடிநீர் வசதிகள் ஞானசபை தருமச்சாலை மேட்டுக்குப்பம் சித்திவளாகம் கருங்குழி இல்லம் மற்றும் மருதூர் இல்லத்தில் அமைந்துள்ளது
தங்குமிட வசதி : குளியலறை கழிவறை வசதிகளுடன் அறைகள் கொண்ட தங்கும் விடுதி உள்ளது.

🙏 சேவைகள் (Services)

அன்னதானம் : வள்ளற்பெருமானாரின் கொள்கையில் தலையாயது சீவகாருணியம். அற்றார் அழிபசி தீர்த்தலாகிய சீவகாருணிய பேரறத்தை நடத்துவதற்காக வடலூரில் சத்திய தருமச்சாலையை 23,05,1867 ல் பிரபவ ஆண்டு வைகாசி 11 ஆம் நாளில் நிறுவினார்கள். தருமச்சாலையை நிறுவியபின் அதனையே உறைவிடமாகக் கொண்டார்கள். 1870 ஆம் ஆண்டு வரை தருமச்சாலையிலே வாழ்ந்தார்கள். வாடிய பயிரைக் கண்டபோதெல்லாம் வாடிய பெருமானாரின் அருளினால் தருமச்சாலையில் தினசரி ஆயிரத்திற்கும் மேற்பட்ட அன்பர்களுக்கு காலை மதியம் இரவு ஆகிய மூன்று வேளைகளிலும் சுமார் அன்பர்களுக்கு அன்னதானம் வழங்கப்படுகிறது