பிரார்த்தனை
நங்கவரம் அருள்மிகு சுந்தரேஸ்வரர் திருக்கோயிலை கட்டிய பராந்தக சோழனுக்கு பிறந்த பெண்குழந்தையின் முகமானது நரியின் முகம் போன்று இருந்ததால் வருந்தி வணங்கி வரும் நேரத்தில் பராந்தக சோழனின் குருவின் அறிவுரையின்படி, காசியில் உள்ள சுந்தரேஸ்வரர் லிங்கத்தை அகண்டேஸ்வரர் ரிஷி தியானத்தில் இருக்கும் நேரத்தில் எடுத்து வந்து நங்கவரத்தில் பிரதிஷ்டை செய்யப்படுகிறது. இதை அறிந்து அகண்டேஷ்வரர் நங்கவரம் வந்தபோது அர்த்தஜாம பூஜை முடிவுற்று நடை சாற்றப்பட்டதால் இத்திருக்கோயில் வடபுறதிலுள்ள மதில்சுவர் மீது ஏறி குதித்ததில் அவரது கால்கள் அபிஷேகம் குளத்தில் பதிந்துவிட்டது. சுந்தரேஷ்வரர் அகண்டேஷ்வரருக்கு காட்சி கொடுத்து தனி சன்னதி அமைத்து கொடுத்து பக்தர்களுக்கு அருள் வழங்குமாறு ஆசி வழங்கினார். அகண்டேஷ்வரர் எப்பொழுதுமே தியான நிலையில் இருப்பதால் இவருக்கு தீண்டாத்திருமேனி என்ற பெயரும் உண்டு. மேலும் இன்றளவும் அகண்டேஸ்வரர் மீது தொடாமலேயே தினசரி பூஜைகள் நடைபெற்று வருகிறது.