பிரார்த்தனை
ஆயில்ய நட்சத்திரத்தில் தோஷம் நீங்க நேர்ச்சை செய்வது இக்கோயிலின் மரபு. மகாவிஷ்ணுவைத் தாங்கும் ஆதிசேஷன் இராமாயண காலத்தின் இலட்சுமனாக அவதாரம் செய்தார். இலட்சுமணன் நட்சத்திரம் ஆயில்யம். ஆதிசேஷனுக்குரிய பூஜை இலட்சுமணனுக்கு பொருந்தும். இராகு கேது தோஷம் உள்ளவர்கள் இந்நாளில் நாகராஜருக்கு பாலபிஷேகம் செய்கின்றனர். காலை 10.00 மணிக்கு பூஜையில் பால்பாயச நேர்ச்சையும் உண்டு.
இதர வகை
இக்கோயில் விழாக்களில் தை மாதம் 10 நாள் விழா. ஆவணி மாத ஞாயிற்றுகிழமைகள் விழா கார்த்திகை விழா ஐப்பசி மாத சூரம்பாடு விழா ஆகியன குறிப்பிட தகுந்தன. ஞாயிற்றுகிழமை பூஜை 1516 ஆம் ஆண்டிலிருந்தே நடக்கிறது என்பதற்குக் கல்வெட்டு சான்று உண்டு. ஆவணி ஞாயிற்றுகிழமைகளில் சிறப்பு விழா நடக்கும் . இந்த நாட்களில் உப்பு நல்லமிளகு போன்றவையும் கை கால் போன்ற உடலின் மரவடிவங்களையும் நேர்ச்சையாக செலுத்துவர். நாகருக்கும் பாலூற்றும் வழக்கம் பெருகி வருகிறது. தை மாதத் திருவிழா அனந்தகிருஷ்ணனுக்கு நடக்கிறது. இந்த விழாவின் தொடக்க நாளை கேரள மேக்காட்டு நம்பூதிரிகள் உறுதிப்படுத்துகின்றனர். முன்றாம் நாள் விழாவின் இடதுபுறமும் கொம்மண்டையம்மன் கோயிலில் இருந்து வாகனம் வரும். இது நாகராஜா கோயிலுக்கு வருவதில்லை. வடசேரி கொம்மண்டை அம்மன் நாகராஜனின் சகோதரி என்ற கதையே இச்சடங்குகளுக்கு காரணமாக கொள்ளப்படுகிறது. 8 ஆம் நாள் விழாவின் வேட்டை நிகழ்ச்சி. 9 ஆம் நாள் தேர் திருவிழா. 10 ஆம் நாள் பழையாற்றின் ஆறாட்டு நிகழ்ச்சி.

: இக்கோயிலின் மகாமண்டபத்திலும் உள் பிராகரத்திலும் அருமையான சிற்பங்கள் உள்ளன. இவை ஜைன ஹிந்து மரபின. நாகராஜர் சன்னதி ஏதிரே முன்பகுதி இரு தூண்களிலும் துவார பாலகர்கள் சிற்பங்கள் உள்ளன. இத்தூணின் வலதுபுறம் குறவன் ஒற்றைக்காலில் நின்றுகொண்டிருக்கிறான் . அவன் கழுத்தில் வேட்டையாடிய மான் , அவனது இன்னொரு கால் பாதத்தின் முள்ளை குறத்தி எடுக்கிறாள் . இடப்புறம் இவர்களது நாய் நிற்கிறது. இதே பக்கதிதில் ரதி மன்மதன் சிறிய சிற்பங்கள் உள்ளன. இதே மண்டபத்தில் பூசகர் பிரசாதம் கொடுக்கும் இடத்தில் உள்ள தூணில் அனுமன் சிவனை வழிபடுவது ஆகிய சிற்பங்களும் அருகருகே உள்ள தூண்களில் வேணாட்டு அரசன் பூதலவீர உதய மார்தாண்டனின் அஞ்சலி ஹஸ்த சிற்பமும் விஷ்ணு வஜ்ராயுதமும் தாங்கிய சுப்பிரமணியன் காளிங்க நர்தன கிருஷ்ணன் ஆகிய சிற்பங்களும் உள்ளன. அனந்த கிருஷ்ணன் சன்னதி ஏதிரே உள்ள தூண்களில் வாலைச்சுழற்றிய அனுமன் என ராமாயணப்பாத்திரங்களும் பார்சுவநாதர் மாகவீரர் என ஜைன சிற்பங்களும் உள்ளன. இதே பகுதியில் அபய வாத முத்திரை காட்டும் துர்க்கை, கோலூன்றி நடக்கும் பிராமணன் மத்தளம் கொட்டும் கலைஞன் சிற்பங்கள் உள்ளன. உள் பிரகாரத்தில் கருவறை அதிஷ்டான சுவாரில் மகாவீரர் பசுவநாதர் சிற்பங்கள் உள்ளன.