பிரார்த்தனை
இத்திருக்கோயிலானது ஒரு பிராத்தனை ஸ்தலம் ஆகும். 17-ஆம் நூற்றாண்டில் ஆங்கிலேயர் ஆட்சியில் கட்டப்பட்ட திருக்கோயிலாகும். இங்கு ஐப்பசி மாத பிரமோற்சவம் வெகு சிறப்பாக நடைபெறும். திருவிழாவானது அம்மனிடம் கௌலி(பல்லி) மூலம் உத்தரவு கேட்ட பின்பே நடத்தப்படும். உத்தரவு கொடுக்கவில்லை எனில் அந்த வருடம் திருவிழா நடைபெறாது. திருவிழா அம்மன் தனியாக சுதையினால் வடிவமைக்கப்படுகிறது. இந்த அம்மன் கோவிலுக்குள் வருவதில்லை. பிறந்த மண்டபத்திலிருந்து கண் திறப்பு மண்டபம் எடுத்துச் செல்லும் வரை கோயிலின் பிரதான வாயில் மூடப்படுகிறது, பொது மக்களும் அதைப் பார்ப்பதற்கு அனுமதி இல்லை. திருவிழாக் காலங்களில் வேண்டுதல்கள் வைக்கும் பக்தர்கள் மண் பொம்மைகள் வாங்கி அதை வடக்குப் பிரகாரத்தில் உள்ள காவல் தெய்வம் பூதராணியின் முன்பு உடைப்பார்கள். இது மற்ற கோவில்களில் இல்லாத தனிச்சிறப்பாகும். இது மிகவும் சக்தி வாய்ந்த அம்மன் ஆகும். குழந்தைகள் வரம் வேண்டுவோர், திருமணம் ஆகாதோர் இத்திருக்கோவிலுக்கு வந்து சென்ற பின்பு வேண்டுதல்கள் நிறைவேற்றப்படுகின்றன. எனவே பக்தர்கள் தங்களது நேர்த்தி கடன்களை திருவிழாவின்போது செலுத்துகின்றனர். தினசரி பூஜைக்குப் பின்பு தீர்த்தம் கொடுக்கும் வழக்கும் அம்மன் சன்னதிகளில் இங்கு தான் உள்ளது.