📜 தல வரலாறு மற்றும் சிறப்பு (History & Special Info)

வரலாற்று தகவல் (Historical Information):

பாரம்பரிய கோயிலா : Yes

தல சிறப்பு (Thiruthala Special):

வரலாற்று சிறப்பு
இருப்பிடம் :- கும்பகோணத்திலிருந்து 6 கி.மீட்டர் தொலைவில் தேப்பெருமாநல்லூரின் மையப்பகுதியில் பிரதான போக்கு வரத்து சாலையின் அருகில் இத்திருக்கோயில் அமைந்துள்ளது. சிறப்பு :- இழையணி சிறப்பின்பழையோள் என்றும் காடுகிழாள், மாதங்கி, சண்டி, நீலி சூலி, சாமுண்டி, ஐயை என்றெல்லாம் நம் இலக்கியங்களில் பேசப்படுகின்ற ஸ்ரீ மகாமாரி தேவை மற்றும் ஸ்ரீ காளிதேவி ஆகிய இருதேவியரும் இங்குள்ள மக்களின் இருவிழிகளாகவும், குலதெய்வங்களாகவும் விளங்குகின்றனர். சிமிழ் போன்ற சிறிய கோயிலில் இருதேவியருக்கும் இரு கருவறைகள் அருள்மிகு சுந்தர மகாமாரியம்மன் கிழக்கு திசை நோக்கியும், அருள்மிக சுந்தர மகா காளியம்மன் வடக்கு திசை நோக்கியும் எழுந்தருளியுள்ளனர்.

🙏 சேவைகள் (Services)

அன்னதானம் : தினசரி திருக்கோயிலுக்கு வரும் 50 பக்தர்களுக்கு அன்னதானம் வழங்கப்பட்டு வருகிறது. அன்னதானத் திட்டம் 15.08.2002 முதல் செயல்பட்டு வருகிறது. அன்னதானம் செய்ய விரும்புவோர் ஒரு நாளைக்கு உண்டாகும் செலவிற்கு ரூ.1,750/- திருக்கோயிலில் செலுத்தி அன்னதான திட்டத்தில் கலந்து கொள்ளலாம் அல்லது ரூ.25,000/-முதலீடாக செலுத்தும் பட்சத்தில் அத்தொகையினை முதலீடு செய்து அதன் மூலம் கிடைக்கப் பெறும் வட்டியைக் கொண்டு வருடத்தில் பக்தர்கள் விரும்பும் ஏதாவது நாளில் மேற்படி அன்னதானம் செய்து கொள்ளவும் வழிவகை செய்யப்பட்டுள்ளது. இது மாறுதலுக்குட்பட்டது. அன்னதான திட்டத்திற்கு பணம் செலுத்துவோர்க்கு 80 வருமான வரிவிலக்கு உண்டு. அன்னதானத்திற்கு அவரவர் விருப்பம் போல் பணம் செலுத்தலாம்.