குளியல் அறை வசதி : திருக்கோயிலின் இலவச முடி காணிக்கையில் பக்தர்கள் முடி காணிக்கையை செலுத்திவிட்டு அவர்கள் குளிப்பதற்கு ஏற்றவாறு ஆண்களுக்கு 2 பெண்களுக்கு 2 எனக் குளியல் அறைகள் கட்டப்பட்டுள்ளன.
கழிவறை வசதி : திருக்கோயிலுக்கு வருகை தரும் பக்தர்களுக்கு பொது சுகாதாரத்திற்காக கோயிலின் வெளிப்புறத்தில் ஆண்களுக்கு 3 பெண்களுக்கு 3 எனக் கழிவறைகள் கட்டப்பட்டுள்ளன.
முடி காணிக்கை வசதி : திருக்கோயிலின் இலவச முடி காணிக்கை செலுத்தும் இடத்தில் பக்தர்கள் நேர்த்திகடனாக முடி காணிக்கையை செலுத்துகின்றனர்.
குடிநீர் வசதி (ஆர்.ஓ) : திருக்கோயிலுக்குச் சுவாமி வழிபாடு செய்ய வருகை தரும் பக்தர்களுக்கு ஏற்றவாறு கோயில் நுழைவாயில் வலது புறத்திலும், அன்னதானக் கூடம் அருகிலும் சுத்திகரிக்கப்பட்ட குடிநீர் வசதி செய்யப்பட்டுள்ளது.
சக்கர நாற்காலி : மாற்றுத் திறனாளி பக்தர்கள் மற்றும் முதியோர்கள் சுவாமி தரிசனம் செய்ய திருக்கோயில் சார்பில் கட்டணமில்லா சக்கர நாற்காலி வசதிகள் செய்யப்பட்டுள்ளது.
காலணிகளை இலவசமாக பாதுகாக்குமிடம் : இத்திருக்கோயிலுக்கு வருகை தரும் பக்தர்கள் தங்களது காலணிகளை பாதுகாப்பான முறையில் வைத்து செல்வதற்கு திருக்கோயில் சார்பில் கட்டணமில்லா காலணி பாதுகாப்பு இடம் செயல்பட்டு வருகிறது.

அன்னதானம் : இத்திருக்கோயிலில் நாள்தோறும் மதியம் 12.00 மணிக்கு பக்தர்களுக்கு அறுசுவை உணவுடன் கூடிய அன்னதானம் அளிக்கப்பட்டு வருகிறது. இதில் சராசரியாக சாதாரண நாட்களில் 50 பக்தர்கள் உணவு அருந்தி பயன்பெறுகிறார்கள். வெள்ளிகிழமை, அமாவாசை மற்றும் திருவிழா நாட்களில் 100 பக்தர்கள் பயன் பெறுகிறார்கள். அன்னதானத்தில் கலந்து கொள்பவர்களுக்கு சுத்திகரிக்கப்பட்ட தண்ணீர் வழங்கப்படுகிறது. மேற்படி திட்டத்தில் சாதம், சாம்பார், ரசம், பொறியல், மோர், ஊறுகாய் வழங்கப்படுகிறது. இந்த அன்னதான திட்டத்திற்கு நன்கொடை அளிப்பவர்களுக்கு 80(ஜி)-ன் கீழ் இரசீது வழங்கப்பட்டு வருகிறது.
நன்கொடை : பக்தர்கள் தங்களது நன்கொடைகளை ஆன்லைன் மூலமாகவும் அல்லது வரைவோலை, காசோலைகளாக, நிர்வாக அதிகாரி, அருள்மிகு கொண்டத்துக்காளியம்மன் வகையறா திருக்கோயில், பெருமாநல்லூர் என்ற முகவரிக்கு அனுப்பி வைக்கலாம்.